Личинка хордалилар (Urochordata) ¸ки šобиšлилар (Tunicata) кенжа типи

Qushlar sonining o`zgarishi ular ozuqasining mo`l bo`lishiga bog’liq. Chunki ovqat ko`p bo`lsa qushlar tez urchib sonini ko`payishiga sabab bo`ladi. Aksincha, ozuqaning kamligi va noqulay sharoit qushlar pushtining kamayib ketishiga va ko`plab nobud bo`lishiga sababchi bo`ladi. Masalan: kemiruvchilar bilan oziqlanadigan yirtqich qushlar tuxumining soni kemiruvchilar kam bo`lgan yillarda kamayib ketadi. Qishda qor qatlamining qalinligi, bahorda havoning sovuq kelishi ham qushlar soniga salbiy ta`sir ko`rsatadi.
Qushlarning himoyalanish va hujum qilish moslamalari. G’ozdek keladigan Janubiy Amerikada yashaydigan palamediyalarda qanotining bukilgan yerida katta-katta o`tkir pixlari bor, mana shu pixlari bilan ular bo`ri, tulki kabi yirtqichlarga zarba berib o`zlarini himoya qiladi. Umuman, qushlarda himoyalanish va hujum qiladigan alohida organlari kam rivojlangan. Lekin qushlar asosiy vazifasi boshqacha bo`lgan organlarini shu maqsadda foydalanadi. Masalan: lochinsimonlar bilan yapaloqqushlar tirnoq va tumshug’i yordamida o`zini himoya qiladi. Qarg’alar ham uzun va o`tkir uchli tumshug’ini kuch bilan harakatlantirib, dushmanining ko`zini cho`qishga harakat qiladi. Oqqushlar kuchli qanoti bilan dushmanidan himoyalanadi, tuyaqushlar kuchli oyog’i bilan odamning boldirini tepib sindirishi mumkin. Ko`l buqalar dushman yaqinlashganda g’alati holatga kiradi, ya`ni u gavdasini tayoqdek cho`zib, qamishning orasida qimirlamlasdan qotib turadi va ko`zga ilinmaydi. Ba`zan u dushmanini qo`rqitish uchun patlarini ko`tarib hurpaytiradi.
Ukki ham shunday qiladi. Burma bo`yinlar dushmanini cho`chitish uchun ilonga o`xshab vishillaydi va boshi bilan bo`ynini xuddi ilondek liqqillatadi. Ko`pgina qushlar himoya rangiga kiradi. Himoya tusi ochiq yerlarga uya quradigan qushlarning tuxumlarida ham seziladi (ba`zan baliqchilarning jigar rang tuxumlari). Bu qushlar tuxumlarini tagiga hech narsa to`shamasdan mayda toshlar orasiga qo`yadi. Erkak karkidonqush urg’ochisi tuxum bosib yotgan daraxt kovagining teshigini loy bilan shuvab, urg’ochisiga oziq berish uchun kichkina tuynik qoldiradi va shunday qilib ular uyasini daraxtga chiquvchi har xil yirtqichlardan hamda maymunlardan himoya qiladi. Nihoyat, koloniya bo`lib yashovchi baliqchilar, chittaklar koloniya bo`lib uya quradi va koloniya a`zolari birgalashib himoyalana oladilar.