Личинка хордалилар (Urochordata) ¸ки šобиšлилар (Tunicata) кенжа типи

Yer-suv qushlari guruhchasiga o`rdaklar, g’ozlar va oqqushlar kiradi. Ularning uyasi suvdan uzoq joylarda bo`ladi. O`rdaklardan sho`ng’uvchi o`rdaklar ko`proq suv muhiti bilan bog’liq bo`ladi. Chunki sho`ng’uvchi o`rdaklar faqat suv muhitida oziqlanadi. Bu qushlar yaxshi uchadi, lekin havoga qiyinchilik bilan ko`tariladi. Ular havoga ko`tarilish oldidan suv yuzasida yuguradi. Haqiqiy o`rdaklar suv bilan kamroq bog’liq bo`lib, yomon sho`ng’iydi, ammo yaxshi uchadi, chunki ular ko`proq quruqlikda oziqlanadi. G’ozlar ham suv muhiti bilan kamroq bog’liq, ular uyasini suv atrofiga qo`ysada, ko`p vaqtini quruqlikda o`tkazadi, o`simliklar bargi va urug’lari bilan oziqlanadi.
Qushlarning oziqlanishi. Qushlarning oziqlanishi eng muhim ekologik omillardan hisoblanadi. Qushlarning geografik tarqalishi, yashash joylariga taqsimlanishi, pushtdorligi, avvalo ularning oziqasiga bog’liq. Oziqlarning ko`p bo`lishi yoki yetishmasligi qushlarning pushtiga ham ta`sir qiladi. Qushlarda moddalar almashinuvi kuchli bo`lganligi uchun ular ko`p oziqlanadi. Xususan, mayda qushlar ko`p oziq yeydi, chunki ularda gavda yuzasi qiyosan katta bo`lganligi uchun ko`p issiqlik chikaradi. Masalan: 5,6-6,5 g keladigan korolyok bir sutkada o`z gavdasini og’irligining 28% ga teng keladigan quruq modda yeydi, chug’urchuqlar 12%, boyo`g’li esa 8% ga teng keladigan oziq yeydi.
Qushlarda ozuqa juda tez hazm bo`ladi, ular, ayniqsa go`sht va har xil mevalarni tez hazm qiladi. Qushlar har xil hayvon va o`simlik ozuqalari bilan oziqlanadi, ayrim ozuqa turiga ixtisoslashganlari va har xil oziqlarni yeydigan hammaxo`r turlari ham bor. Masalan: to`qay chumchuqlari faqat nina bargli daraxtlar, ya`ni qora qarag’ay mevasi bilan oziqlanadi, jo`jalarini ham ushbu mevalar bilan boqadi. Ko`ktarg’oqlar esa faqat mayda baliqchalar, tasqaralar faqat o`laksalar bilan oziqlanadi, kolibirilar esa gultojdagi hasharotlar va nektar bilan oziqlanadi. Umuman, qushlar ozuqasi turlariga karab bir necha guruhlarga bo`linadi, ya`ni yirtqichlar, o`laksaxo`rlar, baliqxo`rlar, hasharotxo`rlar, donxo`rlar va mevaxo`rlar guruhlari mavjud.