Личинка хордалилар (Urochordata) ¸ки šобиšлилар (Tunicata) кенжа типи

Mitti o`ynoqi maymunning tana uzunligi 15 sm va dumining uzunligi 19-20 sm keladi. Mitti o`ynoqi maymunlar hasharotlar bilan oziqlanib, daraxt kovagida yashaydi. 2 ta bola tug’adi. Bolalari 6 haftagacha otasi tanasiga yopishib yashaydi.
Gajakdumlilar yoki sebidlar (Cebidae) oilasi vakillarining barmoqlarida yassi tirnoqlari va gajak dumi bo`ladi. Vakillariga uch yo`lli durukuli maymun, olmaxon maymun, o`rgimchaksimon maymun yoki koata, sariq baqiroq maymun, uzun burunli maymun yoki kaxau va boshqalar kiradi.
Uch yo`lli durukuli maymunlar tanasining uzunligi 24-47 sm, dumi 22-42 sm va og’irligi 800-1200 g keladi. Ularning ko`zi katta, quloqlari kichkina va qalin jun orasida ko`rinmaydi. Tunda faol hayot kechiradigan yagona maymunlardan hisoblanadi. Bu maymunlar mayda qushlar, ko`rshapalaklar, hasharotlar bilan oziqlanadi, meva va barglarni ham yeydi. Tungi hayvon bo`lganligi uchun deyarli suv ichmaydi. Shudring va mevalar tarkibidagi suv ular uchun yetarli. Tug’ilgan bolasi 10 kungacha onasining qorin tomoniga yopishib yashaydi, so`ngra ota qaramog’iga o`tadi.
Olmaxon maymunning ham uzunligi 35 sm, og’irligi 1 kg atrofida bo`ladi. Ular, asosan daraxtda yashaydi. Kunduzi faol hayot kechiradi. Hasharotlar va ularning lichinkalari, qushlar hamda ularning tuxumlari bilan oziqlanadi, bitta bola tug’adi.
O`rgimchaksimon maymunning urg’ochilari erkaklariga qaraganda ancha yirik bo`ladi. Bu maymunlarning tanasi ixcham, oyoqlari va dumi uzun. Dumining osti junsiz bo`ladi. Oldingi oyoqlari orqa oyoqlariga nisbatan uzunroq. Bu maymunlarning harakat organlari, dumi va tanasining shakli o`rgimchakka o`xshaydi, shuning uchun ham o`rgimchaksimon maymunlar deyiladi. Ular dumi bilan daraxt shoxiga osilib, tanasini tebrantirib, ham gorizontal va ham vertikal sakray oladi. Yerda 4 oyoqlab yuradi. Dumi ovqatni og’ziga olib kelishda ham yordam beradi. Asosiy ozig’i meva, gullar va hasharotlar hisoblanadi. Tug’ilgan bolasi 4 oy davomida oyoqlari bilan onasi qorniga yopishib olib, dumi bilan onasi dumiga ilashib yashaydi.