|
Qushlarning tuzilishi bo`yicha test topshiriqlari. C =69
1. Qushlar pat xillari va ularning joyini juftlab yozing. 1 – kontur patlar.
2 – boshqaruv patlar. 3 – qoqish patlari. 4 – parsimon patlar. 5 – momiq parlar.
6 – qilsimon patlar: a – dum, b – og’iz burchaklari va qovoqlari, v – qanoti, g – tana yuzasi, d – kontur patlari osti, e – suv qushlari patlari ostida: A. 1g, 2a, 3v, 4d, 5e, 6b. B. 1g, 2a, 3v, 4e, 5d, 6b. V. 1v, 2g,3d, 4a, 5e, 6b. G. 1e, 2a, 3d, 4v, 5b, 6g. D. 1d, 2g, 3a, 4v, 5b, 6e.
2. Qushlarning umumiy morfologik belgilarini ko`rsating. A. Suyaklari pnevmatik. B. Bosh suyagi ensa o`simtasi bitta suyakdan iborat. V. Tashqi qulog’i rivojlanmagan. G. Suyaklari yo`g’on va pishiq. D. O`ng aorta yoyi bo`ladi. E. Chap aorta yoyi bo`ladi. J. Tumshug’i yengil suyakdan iborat. Z. Tumshug’i muguzdan iborat.
3. Qaysi javoblar qushlar skeletining uchishga moslashuv belgilariga mos kelmaydi? A. Jag’lari muguz bilan qoplangan. B. Suyaklari yengil va pishiq bo`ladi. V. Naysimon suyaklari ichi havo bilan to`lgan. G. Bo`yin umurtqalari o`zaro harakatchan birikkan.
4. Qushlar ichki tuzilishining qaysi belgilari uchishga moslashish bilan bog’liq emas? A. To`sh suyagi cheti kengayib, toj suyagini hosil qilgan. B. Nafas olganda havo bronxlardan havo xaltalariga o`tadi. V. Ko`krak va o`mrov osti muskullari kuchli rivojlangan. G. Bir marta olgan havodan ikki marta nafas oladi. D. Ovoz apparati bronxlar boshlanadigan joyda joylashgan.
5. Ko`pchilik qushlar to`sh suyagining o`ziga xos tuzilishi nimadan iborat:
A. Ko`krak qismida joylashishi. B. Keng va yassi bo`lishi. V. Uchki qismi juda kengayib tojni hosil qilishi. G. Yirik va og’ir bo`lishi.
6. Qushlar muskullarining tuzilishi boshqa umurtqali hayvonlardan qanday farq qiladi? A. Muskullari yaxshi ixtisoslashmagan. B. Eng yirik muskullar oyoqlarida joylashgan. V. Muskullari yaxshi ixtisoslashgan. G. Eng yirik muskullar gavdasida joylashgan, oyoqlariga paylar ketadi. D. Muskullar asosiy qismi gavda orqasida joylashgan. E. Muskullarining asosiy qismi ko`krakda joylashgan.
7. Jish bola ochuvchi qushlarga xos bo`lmagan belgilarni aniqlang.
A. Tuxumdan chiqkan bolasining ko`zi yumuq. B. Jo`jasi patsiz yoki siyrak patli.
V. Jo`jasi mustaqil oziqlanadi, onasini taniydi. G. Uya quradi, kam tuxum bosadi.
D. Jo`jasini boqadi.
8. Qanotlari va yelka kamari skeletining o`ziga xos tuzilishini ko`rsating.
A. Kurak suyagi uzun va qilichsimon. B. O`mrov suyagi uzun va ingichka. V. Kurak, korakoid va o`mrov suyaklari harakatchan qo`shilgan. G. Kurak, korakoid va o`mrov suyaklarining uchlari qo`shilib, yelka suyagi birikadigan yuzani hosil qiladi.
D. O`mrov suyagi kengayib, to`sh suyagi bilan birikish yuzasini hosil qiladi.
E. O`mrov suyaklari o`zaro birikib, ayri hosil qiladi.
9. Qaysi qushlarning ko`krak toj suyagi rivojlanmagan? A.Kivi. B. Pingvin.
V. Afrika tuyaqushi. G. Oqqo`sh. D. Kazuar. E. Tovus. J. Loyxo`rak. Z. Nandu.
10. Qushlar ovqat hazm qilish sistemasi qismlarini tartib bilan joylashtiring. A. Muskulli oshqozon. B. Jig’ildon. V. Bezli oshqozon. G. Kloaka. D. O`rta ichak.
E. Qizilo`ngach. J. Orqa ichak. Z. Halqum.
11. Qushlar uchayotganda nafas olish akti qanday sodir bo`ladi? A. Ko`krak muskullari qisqaradi. B. Havo pufaklari torayadi. V. Yana nafas olish sodir bo`ladi. G. O`pka orqali havo chiqarilib yuboriladi. D. O`mrov osti muskullari qisqaradi.
E. Qanotlari tushiriladi. J. Qanotlari ko`tariladi. Z. Havo pufaklari kengayib, havoni so`rib oladi. I. Qisman gaz oksidlanadi. K. Havo o`pka orqali pufaklarga o`tadi.
12. Qushlarning umurtqa pog’onasidagi umurtqalar soni to`g’ri keltirilgan javoblarni belgilang. A. Bo`yin umurtqalari 6-15 ta. B. Bo`yin umurt-qalari 14-24 ta. V. Ko`krak umurtqalari 9-25 ta. G. Ko`krak umurtqalari 4-12 ta. D. Ko`krak umurtqalari 3-10 ta. E. Ko`krak umurtqalari 6-9 ta. J. Dumg’aza umurtqalari 8-16 ta. Z. Dumg’aza umurtqalari 9-19 ta. I. Dumg’aza umurtqalari 10-22 ta. K. Dum umurtqalari 3-6 ta. L. Dum umurtqalari 5-9 ta. M. Dum umurtqalari 6-9 ta.
13. Qushlarning havo pufaklari qanday ahamiyatga ega? A. Tanasi orqali suv bug’latishni kuchaytiradi. B. Ikka marta nafas olish imkonini beradi. V. Uchish tezligini oshiradi. G. Uchish tezligini kamaytiradi. D. Organizmni qizib ketishidan saqlaydi. E. Organlar o`rtasida ishqalanishni kamaytiradi. J. Hazm qilish jarayonini tezlashtiradi. Z. Tanasining nisbiy og’irligini kamaytiradi. I. Havo qarshiligini kamaytiradi. K. Qorin bo`shlig’ida bosimni oshirib, axlat chiqarishga imkon beradi.
14. Qaysi qushlarning kopulyativ organi bo`ladi? A. G’oz. B. Tovuq.
V. Laylak. G. CHumchuq. D. Tuyaqush. E. Kaptar. J. Qarqara. Z. Boyo`g’li.
I. Flamingo. K. Qarg’a.
15. Tovuq tuxumi qavatlarini sirtidan boshlab tartib bilan ko`rsating.
A. Murtak disk. B. Sariqlik. V. Halaza. G. Po`choq. D. Oqsil. E. Sariqlik parda.
J. Havo kamerasi. Z. Ichki po`stloq osti parda. I. Tashqi po`stloq osti parda.
16. Qushlar terisi tuzilishiga xos belgilarni ko`rsating. A. Terisi qalin, epidermisi rivojlangan. B. Terisi yupqa, epidermisi rivojlanmagan. V. Terisida hech qanday bezlar bo`lmaydi. G. Quruqlikda yashovchi ba`zi qushlarda yog’ bezlari bo`lmaydi.
17. Haqikiy parlar qanday tuzilgan? A. Par o`qi ingichka yoki rivojlanmagan. B. Par o`qi ipsimon ingichka. V. Yelpig’ichlari rivojlanmagan. G. Yelpig’ichlari yaxshi rivojlangan.
18. Qushlar sezgi organlari tuzilishini qaysi xususiyatlari ularning yashash tarzi bilan bog’liq? A. Monokulyar ko`rishi. B. Qovoqlarining rivojlanganligi.
V. Binokulyar ko`rishi. G. Hid bilish organini kuchsiz rivojlanganligi. D. Uzoqni ko`rish qobiliyati. E. Tashqi quloqning rivojlanmaganligi. J. Ko`z olmasining nisbatan yirik bo`lishi. Z. Eshitish organining faqat ichki va o`rta bo`limlarining rivojlanganligi. I. Nog’ora pardasini voronkasimon chuqurda joylashganligi.
K. Ko`zni akkomadatsiyaga solish xususiyati.
Do'stlaringiz bilan baham: |
