Личинка хордалилар (Urochordata) ¸ки šобиšлилар (Tunicata) кенжа типи

Oyoq skeleti va ularning kamarlari. Amfibiyalarning yelka kamari yuqori uchi bilan hayvonning qorin tomoniga yo`naltirilgan yoy shaklida bo`ladi.
Yoyning har ikkala (o`ng va chap) yarmi quyidagi asosiy elementlardan, ya`ni kurak, korakoid va prokorakoid tog’aydan tashkil topgan bo`lib, quruqlikda yashovchi umurtqali hayvonlar uchun xosdir (93-rasm). Ana shu uchta asosiy element erkin skeletning o`zaro birikadigan joyida bir-biriga duch keladi. Bulardan kurak shu bo`g’imning dorzal (orqa) tomonida, korakoid bilan prokorakoid esa ventral (qorin) tomonida joylashgan.
Suvda hamda quruqlikda yashovchilar kurak suyagining proksimal qismi xondral suyaklashgan, distal qismi esa tog’aydan iborat bo`lib, kurak usti tog’ayi deb ataladi. Tog’ay prokorakoid ustida qoplag’ich suyakdan iborat o`mrov suyagi joylashgan. Korakoid usti tog’ayi yelka kamarining ventral qismini tashkil etadi. Undan oldingi tomonga to`sh oldi suyagi, keyingi tomoniga esa to`sh suyagi o`rnashgan. To`sh oldi va to`sh suyaklarining uchlari tog’aydan tashkil topgan. Qovurg’alar bo`lmaganidan to`sh suyagi o`q skeletiga qo`shilmagan, ko`krak qafasi yo`q, shunga ko`ra oldingi oyoqlar kamari to`sh elementlari bilan birgalikda muskullar orasida erkin yotadigan yoy hosil qilgan. Bu amfibiyalar uchun xosdir.
Amfibiyalarning oldingi oyoqlar skeleti uch bo`lim: yelka, bilak va oyoq kaftlaridan tashkil topgan. Oyoqlarning bunday bo`limlarga bo`linishi quruqlikda yashovchi umurtqali hayvonlar uchun xos.





93-rasm. Baqaning oldingi oyoq va yelka kamari skeleti: 1-yelka suyagi, 2-yelka
suyagining boshi, 3-yelka oldi suyagi, 4-tirsak suyagi, 5-bilak suyagi, 6-tirsak o`simtasi,
7-bilaguzuk, 8-kaft, 9-barmoq falangalari, 10-kurak, 11-kurak usti tog’ayi, 12-korakoid, 13-yelka suyagining boshchasi birikadigan bo`g’im chuqurchasi, 14-prokorakoid tog’ayi, 15-o`mrov,
16-to`sh suyagi, 17-to`sh oldi suyagi, I-reduksiyaga uchragan birinchi barmoq, II-V-to`liq rivojlangan barmoqlari.