Leksiya №1 mavzu

Fanning vazifasi
Hozirgi kunda, aynan energetika sohasida qo’llaniluvchi dasturiy ta’minotlarga ehtiyoj yuqori bo’lib, nafaqat mavjud dasturlarni ishlata olish, balki yangi turdagi masalalarni yechishga qaratilgan dasturiy ta’minotlar ishlab chiqarish muhim masalalardan hisoblanib kelmoqda. Ushbu “Energetika EHM ni qo’llash” kursining vazifasi bugungi kunda energetika tizimida keng qo’llaniluvchi dasturiy ta’minotlarning ishlash prinspi bilan tanishish va energetika tizimida mavjud bo’lgan masalalarni yechishga qaratilgan yangi turdagi dasturiy ta’minotlar tuzish va ularni qurilmalarga yuklashning umumiy strukturasi bilish ko’nikmasini shakllantirish.
Energetika dasturlari
Energetika dasturlari 5 ta asosiy guruhlarga bo’linadi
1. Energetik tahlil qilish simulyatsyalovchi dasturlari – faqatgina modellar va simulyatorlar tuzgan holda, jarayonlarni tahlil qilish uchun mo’ljallangan dasturlar va dasturlash muhitlari kiradi. (ETAP, Matlab, Ansys Maxwell va boshqalar)
2. Qayta tiklanadigan energiya nazorati dasturi - qayta tiklanadigan energiya menejmenti dasturlari. (HOMER, Hybrid2, RETScreen, iHOGA va boshqalar)
3. Energiya menejmenti dasturi (inglizcha EMS-energy management system) – bu barcha turdagi energiya bilan bog’liq masalalarni yechish uchun qo’llaniluvchi dasturdir. (AMI, Power SCADA Operation, Monitoring Expert, Wattics, XClarity Energy Manager, ETAP, Open DEM, EnergyCAP, N'VIEW va boshqalar)
4. Grafik dasturlar – energetika tizimidagi faqatgina grafik ko’rinishidagi masalalarni hal qilish uchun qo’llaniladigan dasturiy ta’minotlar. (AutoCad electric, Edge va boshqalar)
5. Office dasturlari – umumiy hisob kitoblar va kichik modellar tayyorlash uchun mo’ljallangan dasturiy ta’minotlar (MS OFFICE, LIBRARY OFFICE, GOOGLE OFFICE)
Dasturiy ta’minotlarni yuklash va ishga tushurish.
Dars davomida uchta turdagi, energetik tahlil sinfiga kiruvchi Matlab, Energiya menejmenti dasturlari turkumiga kiruvchi SCADA, Grafik dasturlar turkumiga kiruvchi AutoCad va Office dasturlari turkumiga kiruvchi MS Office paketidagi MS Excel dasturi bilan ishlashni o’rganamiz. Boshqa dasturiy ta’minotlarning ishlash prinsiplari deyarli ushbu dasturlardan biriga mos tushadi.