Лекция Лейкоцитлар патологияси

2. Ўсмага боғлиқ бўлган лейкопоэз кучайиши, канцероген омиллар қон ҳосил қилувчи ҳужайраларни кўпайишига жавоб берувчи генларни мутацияга учратади, бу холат кўпроқ лейкоз ҳарактерига эга бўлади.
Лейкопоэзни пасайиши – КСФ камомадида, аксинча, уларнинг ингибиторлари продукциясини ортиши, лейкопоэз учун пластик омилларни етишмовчилиги (оқсил, фолиевая кислота, цианокобаламин), шунингдек, лейкоцитларни ўтмишдошлари турли омиллар таъсирида зарарланганда, метастазлар таъсиридан, ион нурлари, лейкоцитар инфильтрат бўлганда келиб чиқиши мумкин.
Лейкоцитлар етилишининг бузилиши – кўпроқ ҳужайра ривожланиши ва шаклланишини у ёки бу босқичда блокланишидан келиб чиқади. Ушбу жараён, генетик ва маълум метаболик реакциялар томонидан бошқарилади. Ушбу бошқарувга лейкоз, лейкоцитлар ривожланишини ирсий дефектлари, йирингли ва вирусли инфекциялар, аллергенлар, интоксикация ва бошқалар таъсир этади. Кўп ҳолатларда периферик қонда етилмаган лейкоцитларни кўп бўлишига, гликокортикоидлар томонидан бошқарилувчи суяк-кўмик баръерининг ўтказувчанлигини ўзгариши сабаб бўлади. Етилмаган лейкоцитларни периферик қонда бўлишини лейкемоид реакцияларда ҳам кузатиш мумкин.
Қондаги лейкоцитларни миқдорий ва сифат ўзгаришлари.
Лейкоцитларнинг миқдорий ўзгаришлари лейкоцитоз ёки лейкопения тарзида намоён бўлади. Уларнинг сифат ўзгаришларида эса қонда етилмаган лейкоцитлар ва лейкоцитларнинг дегенератив формалари пайдо бўлади.
Лейкоцитоз, қон ҳажм бирлигига нисбатан лейкоцитлар сонини ортиб кетишига айтилади (10*109/л), лейкоцитоз мустақил аҳамиятга эга бўлмай, у ёки бу касалликни симптоми бўлиб ҳисобланади.
Лейкоцитознинг синфланиши
I. Ривожланиш сабабига кўра: физиологик ва патологик
II. Лейкоцитоз абсолют ва нисбий бўлиши мумкин
III. Ривожланиш механизмига кўра:
а)реактив
б)қайта тақсимланишни бузилишидан
в)ўсма ҳарактердаги
IV. Лейкоцитларни турига қараб:
а)нейтрофил
б)эозинофил
в)базофил
г)лимфоцитар
д)моноцитар