Lekciya №3G Úshinshi áwlad sotalĺ baylanĺs sistemalarĺ Joba

Bazalıq stanciya Node Bdiń tiykarǵı funkciyası radiointerfeysti shólkemlestiriwden ibarat. Buǵan tómendegiler kiredi: radiosignaldı qayta islew, signal spektrin keńeytiw/sıǵıw menen modulyaciya/demodulyaciya, kodlaw/dekodlaw hám basqalar, atap aytqanda, RNC radiokanallardı basqarıw boyınsha ayırım operaciyalardı orınlaw (máselen, nurlanıw quwatlılıǵın basqarıw, “xendoverdi” ámelge asırıw) hám t.b. Bazalıq stanciya FDD, TDD yaki aralas (angl. dual-mode) rejimlerde isley aladı.
UMTS sistemacınıń tayanısh tarmaǵı - CN tómendegi elementlerden ibarat:
MSC/VLR – mobil kommutaciya orayı tarmaqtıń oraylıq elementi esaplanadı. Ol bazalıq stanciyalardıń (BS) úlken toparına xızmet etiwi múmkin hámde abonent úskeneleriniń (AÚ) islew procesinde zárúr bolatuǵın barlıq túrdegi jalǵanıwların támiyinleydi. MSC/VLR túrli tarmaq elementlerin (atap aytqanda, RNS kishi sistemaları elementlerin) óz-ara jalǵaǵan túrde UMTS tarmaǵı ishinde maǵlıwmat almasıwın támiyinlep beredi. Sonday-aq, MSC/VLR basqa MSClar, ayırım jaǵdaylarda aymaqlıq GMSC hám jáne basqa bólimler menen de jalǵanıwdı ámelge asıradı. MSC quramındaǵı VLR reestrinde miyman abonentler ushın kórsetilgen baylanıs xızmetleri, sonday-aq, sistemanıń xızmet kórsetiw aymaǵındaǵı AÚleriniń jaylasqan ornı haqqındaǵı anıq maǵlıwmatlar saqlanadı.
HLR reestri, SGSN hám GGSN túyinleri tap GSM tarmaqlarındaǵı sıyaqlı wazıypalardı atqaradı.
Operatorlar ózlerine sáykes tarmaq konfiguraciyaların jaratıw ushın UMTS sistemasınıń arxitekturası jetkilikli dárejede tuwrı keledi hám universal esaplanadı.
UTRAN tarmaǵı 4 tiykarǵı interfeysten paydalanıwın esletip ótemiz:

• 
  Iu – RNC hám CN ortasındaǵı interfeys;
  
• 
  Uu - Node B menen AÚ ortasındaǵı interfeys;
  
• 
  Iur – RNCler arasındaǵı interfeys;
  
• 
  Iub - Node B hámde RNC arasındaǵı interfeys. Uu hám Iu interfeysleri eki bólimge bólinedi:
  
• 
  U-Plane (angl. User Plane) - transport xızmetleri hám radiojalǵanıw tarmaǵı arqalı maǵlıwmat uzatıw xızmetlerin ámelge asırıwshı abonent dárejesi protokolları;
  
• 
  S-Plane (angl. Sontrol Plane) - radiojalǵanıw tarmaǵındaǵı transport xızmetlerin hámde AÚ hám tarmaq arasındaǵı jalǵanıwlardı, atap aytqanda, xızmet kórsetiwge tiyisli sorawlar, uzatıw resursların basqarıw, “xendover” hám basqalardı basqarıwdı ámelge asırıwshı basqarıw dárejesi protokolları.