Lekciya №3G Úshinshi áwlad sotalĺ baylanĺs sistemalarĺ Joba

UMTS texnologiyası. UMTS (angl. Universal Mobile Telecommunications System – “Mobil baylanıs universal sisteması”) - úshinshi áwlad mobil baylanıs sistemaları toparına kiriwshi sotalı baylanıs texnologiyası esaplanadı. Bul standartta radioefir arqalı maǵlıwmat uzatıw metodı sapasında W-CDMA texnologiyasınan paydalanılǵan. UMTS sisteması 3GPP joybarına muwapıq standartlastırılǵan hám Evropa islep shıǵarıwshıları tárepinen XTAnıń IMT-2000 baǵdarlaması boyınsha talaplarına juwap beredi. Básekidegi sistemalardan ajıralıp turıwı ushın UMTS standartı geyde 3GSM dep te júrgiziledi. Usınıń menen, bir tárepten, onı 3G-úshinshi áwlad texnologiyalarına tiyisliligi aytılsa, ekinshi tárepten, onı GSM tarmaqlarınıń “keyingi áwladı” ekenligi názerde tutıladı.
Funkcionallıq jaqtan tarmaq strukturası jer ústi radiojalǵanıw tarmaǵı - UTRAN hám tayanısh tarmaǵı – CNnan ibarat (9.1-súwretke qarań). UMTS tarmaqlarında paydalanıwshı qurılması GSM tarmaqlarındaǵıdan ózgeshe, yaǵnıy UE (angl. User Equipment - abonent úskenesi) dep ataladı. Buǵan sebep, UMTS tarmaqlarında UE tek ǵana mobil stanciya wazıypasın atqarmastan, bálkim maǵlıwmat uzatıw terminalı funkciyaların da orınlaydı.
UTRAN tarmaǵı tayanısh tarmaǵı CNna jalǵanǵan RNS (angl. Radio Network Subsystem) radiojalǵanıw tarmaqlarınıń kishi sistemaları kompleksinen quralǵan. RNS kishi sisteması RNS kontrolleri hám bir yaki bir neshe bazalıq stanciyalar Node Bdı óz ishine aladı.

9.1-súwret. UMTS sistemalarınıń arxitekturası.
Radiotarmaq kontrolleri - RNC bazalıq stanciyalardıń basqarılıwın orınlaydı hámde MSC/VLR - mobil kommutaciya orayı menen óz-ara birge islewdi ámelge asıradı. RNSdiń tiykarǵı wazıypalarına tómendegiler kiredi:

• 
  radiokanallar bólistiriliwin basqarıw;
  
• 
  jalǵanıwlardı qadaǵalaw;
  
• 
  jalǵanıwlar izbe-izligin basqarıw;
  
• 
  aralıqtan dinamikalıq kommutaciyalaw; - abonent júklemeleriniń bólistiriliwin qadaǵalaw.