Лаборатория машғулоти. Бактерия хужайрасининг тузилиши ва кимёвий таркиби, уларни аниқлаш

) комон (пили) киприкчалар. 
Булар асосан бактерияларнинг адгезив хусусиятини 
наъмаён қилади. Граммусбат бактерияларга характерли. 

---

2) жинсий (секс)
киприкчалар. Жинсий (секс) киприкчалар эркак ва аёл бактериялар 
ўртасида контакт бирикишни таъминлайди. Жинсий киприкчалар ёрдамида 
бактерияларнинг ирсий маълумотлари донор (эркак бактерияларда учрайди) 
бактериядан – реципиент (аёл бактерияда жинсий (секс) кприкчалар учрамайди) 
бактерияга ўтказилади, бу ходисани “конъюгация” деб аталади. Жинсий (секс) 
киприкчаларни F-плазмидлар бошқариб туради. 
Бактерияларнинг хивчинлари. 
Бактеряларни ҳаракатлари бир неча кўринишда бўлиши мумкин; сузиб юрувчи, 
сирғанувчи, судралувчи, ўрмаловчи. Бактерияларни ҳаракати хивчинлари ҳисобига рўй 
беради. Бактерияларни хивчинлари ингичка, узун оқсил ипчалари бўлиб, диаметри 12-
30 нм, узунлиги эса 6-9 дан 80 нм гача бўлиши мумкин. Хивчин таркибида флагеллин 
оқсили бўлиб, у қисқариш хусусиятига эга. Хивчинлар бактерия танасида 
жойлашувига қараб 4 гуруҳга бўлинади (расм 15). Монотрихлар- битта хивчини поляр 
жойлашган (V. cholerae). Лофотрихлар- бир тутам хивчинлари битта учида жойлашган 
(Pstudomonas methanica). Амфитрихлар- тутам хивчинлари ҳар икки учида жойлашган 
(Spirillum volutans). Перитрихлар- хивчинлари танасини ҳамма жойида жойлашади. (E. 
сoli, Sаlmonella typhi). 
Бактерияларнинг ҳаракатчанлигини ўрганиш амалий аҳамиятга эга бўлиб, амалиётда 
“эзилган” ва “осилган” томчи усулларида аниқланади. Кўпчилик ҳолларда 
бактерияларнинг ҳаракатчанлиги Пешков (ярим суюқ муҳит) усулида аниқланади. 
Текширилаётган тоза культура ярим суюқ (столбик) устунчали муҳитга укол қилиб 
экилади. Агар бактерия харакатчан бўлса бактериялар ўсимлик томирларига ўхшаб 
тарқалиб ўсади, харакатчан бўлмаса устунчада укол бўлиб ўсади.