Laboratoriya jumıs №1

I. Sırtqı jabıwshı qabat:
1. Kapsula
2. Kletka diwalı
3. Tsitoplazmatik membrana
Kapsula 2 – tu`rli bolıwı mu`mkin
1. Mikrokapsula
2. Makrokapsula
Mikrokapsula- tek elektron mikroskopta ko`riledi. quramı lipopolisaxaridlerden ibarat bolg`an mikrofibrillalar ko`rinisinde bolıp, kletka diwalına bekkem jabısqan.
Makrokapsula- sırtı silekey qabat bolıp, tiykarınan polisaxaridlerden quralg`an, ayırım waqıtlarda polipeptidlerden ibarat.
Barlıq bakteriyalar kapsula payda etpeydi. Ayırım patogen bakteriyalar ma`selen, pnevmokokklar qolaysız jag`dayg`a tu`sip qalg`anda kapsula payda etedi. (adam ha`m haywan organizminde). Ayırım bakteriyalar ha`mme waqıt kapsula payda etedi. Ma`selen: klebsiellalar. Sibir` jarası qozg`atıwshısı kapsulası polipeptidden ibarat, qalg`anları polisaxaridten ibarat.
Wazıypası:
1. Kletkanı qorg`aydı
2. Patogenlik qa`siyetke iye, ayırım bakteriyalardın` patogenlik qa`siyeti kapsulag`a baylanıslı.
3. Antigenlik qa`siyetge iye (K) AG iye
Kletka diywalı:
Kletka diywalı kletkanı sırtı ta`repinen qaplap, quramalı ximiyalıq du`ziliske iye.
Kletka diywalı tek g`ana mikoplazmalarda ha`m al`fa-formalı bakteriyalarda bolmaydı. Kletka diyualının` tiykarı peptidoglikan (murein) ibarat. Peptidoglikan geteropolimer bolıp, izbe-iz keliwshi disaxarid toparınan ibarat. Peptidoglikan tiykarın N - atsetil glyukozamin ha`m N- atsetil muram kislotasınan ibarat, bunnan tısarı peptidoglikan quramında teyxol kislotası, Mg ionları ha`m prokariot kletka diywalında ushıraytug`ın diaminopimelin kislotası ushıraydı. Kletka barlıq bakteriyalarda birdey du`ziliske iye emes.
Kletka diywalı du`zilisine qarap bakteriyalar boyalg`anda 2 toparg`a bo`linedi:
Gram on` ha`m Gram teris.
Gram teris bakteriyalarda – peptidoglikan bir qabatlı bolıp, tiykarınan kletka diywalının` ko`p bo`legi peptidlerden quralg`an. Kletka diywalı fosfolipidler, lipopolisaxaridler ha`m beloklardan ibarat.
Gram on` - bakteriyalarda teyxol kislotası Mg+, Na+ ionların biriktirip aladı, bul ionlar iodtı o`zine biriktirip aladı ha`m bekkem kompleks payda etedi. Gram on` bakteriyalardın` kletka diywalında lipidler az mug`darda, beloklar ko`p mug`darda ushıraydı.