Laboratoriya ishi №1 Analitik kimyo laboratoriyasida ishlash texnika xavfsizlik koidalari

Ni²⁺ kationini ochish: Agar eritmada Fe²⁺ yo’q bo’lsa, Ni²⁺ (Chugaev reaktivi) dimetilglioksim bilan ammiakli muhitda ochiladi. Buning uchun analiz qilinuvchi eritmaning 1-2 tomchisi filtr qog’oziga tomiziladi. Uning ustiga 2-3 tomchi ammiakli bufer eritma va dimetilglioksimning shuncha spirtli eritmasi tomiziladi. Agar Ni²⁺ bo’lsa dimetilglioksim bilan qizil rangli kompleks hosil qiladi. Bu reaksiyaga Fe²⁺, Cu²⁺ va ammiak bilan rangli birikma hosil qiluvchi kationlar halaqit beradi.

Hg²⁺ kationini ochish: Hg²⁺ kationi SnCl₂ anoqrog’i [SnCl₄]^2- bilan ochiladi. Bunda oq cho’kma kalomel - Hg₂Cl₂ tushib vaqt o’tishi bilan qorayadi. Reaksiya davomida Hg₂Cl₂ SnCl₂ bilan metal holatidagi Hg gacha qaytariladi.

Bi³⁺ kationini ochish: Agar eritmada surma va simob (II) ionlari yo’q bo’lsa, Bi³⁺ ionlari uni SnCl₂ bilan metal holatigacha qaytarish bilan ochiladi. [Sn(OH)₄]^- bilan qora cho’kma metal holatidagi vismut hosil qiladi.