Laboratoriya ishi №1 Analitik kimyo laboratoriyasida ishlash texnika xavfsizlik koidalari

MIQDORIY ANALIZ METODLARI VA VAZIFASI

TAROZI VA TAROZIDA TORTISH
Analitik kimyo - moddaning kimyoviy tarkibi va uning miqdorini o`rganish usullari to`g`risidagi fan bo`lib, u ikki qismga bo`linadi:

1. Sifat analiz.

2. Miqdoriy analiz.

Miqdoriy analiz–moddaning tarkibini miqdoriy jihatdan aniqlash usullarini o`rgatadi. Miqdoriy analiz fanda va ishlab chiqarishda katta ahamiyatga ega. Masalan, noma`lum moddaning kimyoviy formulasi uning tarkibiy qismlarini analizda topilgan protsent miqdoriga qarab aniqlanadi. Miqdoriy analiz kimyoviy, fizik va fizik–kimyoviy metodlardan iborat. Kimyoviy analiz usuli tortma analiz, hajmiy va gaz analiz usullarini o`z ichiga oladi. Analizning fizik va fizik-kimyoviy usullari moddaning elektr o`tkazuvchanligi, yorug`lik nurini yutishi, nur sindirishi va boshqa xossalaridan foydalanishga asoslangan. Fizik metodlar miqdoriy spektral analiz, lyuminestsent analiz, fizik–kimyoviy usullar esa kolorimetrik, nefelometrik, xromatografik va boshqa analiz usullaridan iborat.