Лаборатория иши №1 Аналитик кимё лабораториясида ишлаш техника хавфсизлик коидалари

2. Калай (II) хлорид билан ўтказиладиган реакция.
Симоб (II) тузлари эритмаси SnCl₂ таъсир эттирилса, аввал ок чўкма Hg₂Cl₂ хосил бўлади, у эса мўл микдордаги реактив таъсирида аста – секин кул тусига киради, яъни [Hg₂]²⁺ металл симобгача кайтарилади.
Реакциянинг бориши куйидаги тенгламалар билан ифодаланиши мумкин:
2HgCl₂ + SnCl₂ = Hg₂Cl₂↓ + SnCl₄
Hg₂Cl₂↓ + SnCl₂ = 2Hg↓ + SnCl₄
3. Симоб катионини симоб металигача кайтариш.
Мис метали симоб ионларини унинг тузлари эритмаларидан сикиб чикаради:
Hg²⁺ + Cu↓ = Hg↓ + Cu²⁺
Кучланиш каторида симобдан чапда жойлашган кўпчилик металлар хам худди шунга ўхшаш таъсир кўрсатади.
III. Кадмий катионининг хусусий реакциялари.
1. Ўювчи ишкорлар NaOH ва КОН кислоталарда эрийдиган ок чўкма Сd(OH)₂ ни хосил килади.
2. NH₄OH билан борадиган реакция.
Аммиак NH₄OH Сd²⁺ иони билан ўзаро таъсирлашиб, Cd(OH)₂ чўкмани хосил килади; бу чўкма мўл реактивда эриб, аммиакли комплексни хосил килади:
Cd²⁺ + 2OH^- =Cd(OH)₂↓
Cd(OH)₂↓ + 4NH₄OH = [Cd(NH₃)₄]²⁺ + 2OH^- + 4H₂O
[Cd(NH₃)₄]²⁺ комплекс [Cu(NH₃)₄]²⁺ дан рангсизлиги билан фарк килади. Бу комплексларнинг хосил бўлишидан анализ давомида Cu²⁺ ва Cd²⁺ ионларини Bi³⁺ ионларидан ажратиб олишда фойдаланилади; Bi³⁺ ионлар NH₄OH таъсирида ортикча микдордаги аммиакда эримайдиган асосли туз чўкмасини хосил киладилар.
3. Калий цианид билан борадиган реакциялар.
Калий цианид Cd²⁺ иони билан ўзаро таъсирлашиб, дастлаб ок аморф чўкма Cd(CN)₂ ни хосил килади, бу чўкма дархол ортикча микдордаги реактивда эриб, [Cd(CN)₄]^2- комплекс ионини беради.
Cd²⁺ + 2CN^- = Cd(CN)₂↓
Cd(CN)₂↓ + 2CN^- = [Cd(CN)₄]^2-
Кадмий цианид комплекси кисман Cd²⁺ ва CN^- ионларга диссоциланади (К_{бекарор} = 7,8 * 10¹⁸). Бунда эритмадаги Cd²⁺ ионларининг концентрацияси H₂S таъсирида хосил бўладиган CdS нинг эрувчанлик кўпайтмасини ошириб, унинг чўкмага тушириш учун етарли.
Мис комплекси кадмий цианид комплексига караганда жуда баркарор (К_{бекарор} =5*10^-31) бўлиб, H₂S таъсирида парчаланмайди. Бу эса анализ вактида Cd²⁺ ионларини Cu²⁺ ионларидан ажратмасдан туриб топишга имкон беради. Шунинг учун мис ва кадмийнинг аммиакли комплекслари аралашмасига [Cu(NH₃)₄]²⁺ ионининг кўк ранги йўколгунча KCN эритмасидан кўшилади, ранг йўколгандан кейин яна шу реактивдан 2 – 3 томчи кўшилади, [Cu(NH₃)₄]²⁺ комплекс анча баркарор бўлган [Cu(СN)₄]^2- комплексга айланади. Агар KCN кўшилгандан кейин эритмага H₂S юборилса, эритмада Cd²⁺ ионлар бўлгани учун характерли сарик чўкма CdS хосил бўлади.
Реакция килиб кўрилаётганда KCN нинг кучли захар эканлигини эсда тутиш керак. У билан ишлаётганда жуда эхтиёт бўлиш зарур. KCN ни кислотали эритмаларга таъсир эттирмаслик керак, чунки бунда учувчан ва жуда кучли захар бўлган цианид кислота HCN хосил бўлади. Цианидлар билан тажриба килингандан кейин колган эритмаларни мўрили шкаф остидаги раковинага (ёки шиша идишга) кўйиб кўйиш керак.