«Labguldoshlar Lamiaceae L. oilasi ayrim dorivor vakillarining bioekologiyasi»

Mavzuning o`rganilganlik darajasi. Farg‘ona vodiysi florasi va o‘simliklar qoplami to‘g‘risidagi ma’lumotlar ko‘plab tadqiqot ishlarida keltirilgan. Hozirga qadar Farg`ona vodiysining dorivor o`simliklarini o`rganish borasida ko`plab izlanishlar olib borilib qator ilmiy ishlar e`lon qilingan. Biroq, bu ishlarning aksariyati fundamental tadqiqotlar darajasida ekanligiga qaramasdan, Farg`ona vodiysida tarqalgan Lamiaceae oilasining dorivor vakillari bioekologiyasi, ularning tur tarkibi, sistematik tahlili, bioekologik xususiyatlari, dorivor turlarining geografik tarqalishi, bioekologik xususiyatlari va xalq tabobatida foydalanilishi, madaniylashtirilgan holda ularning ontogenezi o`rganilmagan. Shunga ko`ra Lamiaceae oilasining dorivor vakillarining tur tarkibi, istiqbolli dorivor o`simliklari ontogenezining latent, immatur, virginil, generativ, senil davrlarini o`rganib madaniylashtirishga tavsiya berish nuqtai nazaridan ham mavzu alohida e`tibor va tadqiqotga loyiq ekanini anglatadi. Yuqorida qayd etilgan holatlar mazkur sohada chuqur hamda maxsus ilmiy izlanish olib borishni taqozo etmoqda.
Ilmiy tadqiqot ishining maqsadi. Farg`ona vodiysining o‘simlik qoplamida tarqalgan Lamiaceae oilasiga mansub turlarni, jumladan adir va tog‘ mintaqalarida o‘suvchi o‘simliklarning hozirgi holatini o‘rganish, ular orasidan dorivor va foydali turlarni aniqlash hamda ularning bioekologiyasini o‘rganib, xalq hayotida tadbiq etishdan iboratdir.
Ilmiy tadqiqot ishining vazifalari
- Adabiyot tahlilini qilish.
Dorivor o’simliklardan foydalanishni aniqlash.
Belgilangan maqsadga erishish uchun quyidagi vazifalar qo‘yilgan:
Farg`ona vodiysida tarqalgan Lamiaceae oilasining istiqbolli dorivor o`simliklari taksonomik tarkibini aniqlash va ularning konspektini tuzish;
Lamiaceae oilasining istiqbolli dorivor o`simliklarini taksonomik, geografik va fitotsenologik tahlil qilish;
Lamiaceae oilasining istiqbolli dorivor o`simliklari turli guruhchalari o‘rtasidagi nisbatini aniqlash;
Lamiaceae oilasining istiqbolli dorivor o`simliklari endem turlari tarkibini aniqlash;
Lamiaceae oilasining istiqbolli dorivor o`simliklari tirik kolleksiyasini yaratish;