Lab ishlanma. An kim-12

4-tajriba.
Metallarga konsentrlangan kislotalarning ta’siri.
Ishning bajarilish tartibi.
 
1) Probirkaga 1-2 ml konsentrlangan sulfat 
kislota quyib, mis bo‘lagi soling va ozroq isiting. Ehtiyotlik bilan hidlang. 
Nimaning hidi keladi. Reaksiyaning tenglamasini yozing. 
2. Probirkaga 1-2 ml konsentrlangan nitrat kislota quyib, mis bo‘lagi soling.
Vazifalar.
 
1.Eritma va ajralib chiqayotgan gaz rangiga e’tibor bering. 
Reaksiya tenglamasini yozing.
2. Reaksiyalarda qaysi ion oksidlovchi vazifasini bajaradi? 
5-tajriba. Metallarga ishqor eritmalarining ta’siri. 
Ishning bajarilish tartibi.
Beshta probirkaga 2-3 ml dan 30% li o‘yuvchi 
natriy eritmasidan quying. Probirkalarning birinchisiga magniy, ikkinchisiga 
aluminiy, uchinchisiga rux, to‘rtinchisiga temir va beshinchisiga mis 
bo‘lakchasidan soling. Probirkalarni kuchsiz alangada qizdiring.
Vazifalar.
 
1.Barcha probirkalarda reaksiya sodir bo‘lishini kuzating. 
2.Reaksiya tenglamalarini yozing. 
6-tajriba.
Metallar gidroksidlarining olinishi va ularning xossalari. 
Ishning bajarilish tartibi.
Oltita probirka oling. Probirkalarning birinchisiga 
magniyning, ikkinchisiga ruxning, uchinchisiga misning, to‘rtinchisiga 
aluminiyning, beshinchisiga ikki valentli temirning va oltinchisiga uch valentli 
temirning biror tuzi eritmasidan 2-3 ml dan quying va har bir probirkaga 10% li 
o‘yuvchi natriy eritmasidan cho‘kma hosil bo‘lguncha quying. Probirkalardagi 
cho‘kmalarni yarmini yana bittadan probirkaga olib, ikki qismga bo‘ling. Birinchi 
qismini 10% li xlorid kislotadan, ikkinchi qismini 30% li o‘yuvchi natriy 
eritmasida erishini sinab ko‘ring.
Vazifalar.
1.Reaksiyalarning molekulyar va ionli tenglamalarini yozing.
2. Ham kislotada, ham ishqorda eriydigan gidroksidlar qanday xossalarga 
ega bo‘lishini tushuntiring.