Қўл тўпи ўйининг келиб чиқиши, қоидалари ва ривожланиши тарихи. қўл тўпи ўйин техникаси ва такетикасининг таснифи

Тўпни олиб кўйиш: Бу харакатлар хужумчи тўпни шеригига узатганда ёки дарвозага отганда бажарилиш мумкин. Тўпнинг йўналиши хамда учиш тезлигини тўгри бахолаган холда ўнга караб сакралади ёки интилади. Шунингдек тўпни хужумчи қўлида бўлган холатда хам олиб кўйиш мумкин. Бунинг учун кутилмаган тезкор харакат билан хужумчи тўпни улоктиришга шайлаганда тўп олиб қўйилади. Гандболда тўпни уриб олишга хам рухсат берилади. Бу харакатлар хужумчи тўп олиб юрганда ёки узатишга шайланганда химоячи тезкор харакат билан тўпни уриб юборади. Бу уриб юбориш кафт ва панжалар кучи хисобига бажарилиш керак. Мушт билан тўпни уриб юбориш такиқланади.
Дарвозабон: Дарвоза дахилсизлигини таъминлаш хамда қарши хужум уюштириш дарвозабонинг мухим вазифаси хисобланади. Унинг техник харакатлари химоя ва хужум техникасига бўлинади. Туриш: Дарвозабонинг асосий холати хисобланиб уни улоқтирилган тўпни қайтариш ва ушлаб олиш учун шай турган холатидир. Асосий холат оёқлар тиззада бир оз букилган хамда оёқлар елка кенглигида қўйилган бўлади. Дарвозабон дарвоза бўйлаб юриб, югуриб, сакраб, ташланиб харакатланади, Югуришда ва югуришда оддий қадамлар ёки майда ва катта қадамлардан фойдаланиши мумкин. Сакраш харакатлари оёклар билан силтаниб бажарилади. Бу харакатлар олдига ва орқага, ёп томонларга йўналган бўлиши мумкин. Мураккаб холатларда дарвозабон тўп йўналишига қараб ташланиш харакатини бажаради. Бу холатда оёқларни кенг очиши ва ён томонларга ташланиши мумкин.
Тўпни ушлаш: Дарвозабонинг асосий харакати хисобланиб дарвозага йўналтирилган тўпни ушлаган ёки кўл ва оёқлар билан тўсиб қолиши керак. Тўпнинг йўналиши ва учиш тезлигини хисобга олган холда тўсиш ёки ушлаб қолиш харакатлари турлича бўлади. Паст учиб келаётган тезлиги катта бўлган тўплари оёқларда тўсиш мумкин. Агар тезлиги суст бўлган тўп бўлса кўлда ушлаш мумкин. Шунга мувофиқ тезлиги катта бўлган тўпларни дарвозабон уриб юбориши ёки гавда билан тўсиши мумкин. Шунингдек тезлиги суст бўлган тўпларни қўл билан ушлаш мумкин. Дарвозабон тўпни бир қўллаб хамда икки қўллаб тўсиши ва ушлаши мумкин. Тўп билан харакатлар: Дарвозабон ушлаган тўпни жамоадош хужумчи ва химоячига узун ва қисқа масофа бўйлаб узатиши мумкин. Шу билан бирга у майдонда ўйинчи сифатида харакатланишига хам рухсат этилади.