L. S. Karieva makroiqtisodiyot

13.4.5-rasm O‛zgaruvchan valyuta kursi bilan moliyaviy siyosatni 
rag‛batlantiruvchi egri chiziqlar 
Ma’lumki, yopiq iqtisodiyot sharoitida davlat xarajatlarining ko‛payishi (yoki 
soliqlarning kamayishi) odatda foiz stavkalarining oshishiga va daromadlarning 
ko‛payishiga olib keladi. Ammo ochiq iqtisodiyotda foiz stavkasini r* dan yuqori 
darajaga ko‛tarish chet el kapitalining kirib kelishini rag‛batlantiradi, bu esa milliy 
valyutaga bo‛lgan talabning oshishiga olib keladi. Bu valyuta kursini ko‛taradi va 
sof eksportni qisqartiradi va shu sababli daromadlar o‛sishi ta’sirini inkor etadi, bu 
davlat xarajatlarining dastlabki o‛sishi (koordinatalarda (r; Y) da rag‛batlantiruvchi 
fiskal siyosati IS egri chizig‛ining o‛ng tomoniga siljishi bilan ham aks etadi, 
ammo ikkinchi qadam bilan to‛ldiriladi - aksincha sof eksport hajmining pasayishi 
tufayli IS egri chizig‛ining asl holatiga o‛tishi). 
O‛zgarmas narxlarda rag‛batlantiruvchi pul-kredit siyosati (13.4.6-rasm) 
modelda LM egri chizig‛ining o‛ng tomonga LM’gacha siljishi bilan aks etadi va 
daromadning o‛sishiga (Y dan Y’ gacha) va valyuta kursining pasayishiga olib 
keladi (e dan e‘ gacha). Ma’lumki, yopiq iqtisodiyot sharoitida pul massasining 
o‛sishi foiz stavkasini pasaytiradi va investitsiyalar o‛sishini rag‛batlantiradi. 
Ochiq iqtisodiyot sharoitida ichki stavkaning r* ning jahon darajasidan pastga 
tushishi, kapitalning mamlakatdan ko‛proq daromad keltirishi mumkin bo‛lgan 
tomonga chiqishini rag‛batlantiradi. Kapitalning chiqib ketishi milliy valyuta 

---

296 
taklifining ko‛payishi (va chet el valyutasiga talabning oshishi) bilan birga keladi, 
bu esa uning kursi pasayishiga olib keladi.
13.4.6 –rasm O‛zgaruvchan valyuta kursi bilan rag‛batlantiruvchi pul-
kredit siyosatini tavsiflovchi egri chiziqlar 
Valyuta kursining pastligi sof eksport o‛sishini va shu sababli daromadni 
rag‛batlantiradi. Shunday qilib, pul-kredit siyosatining ishlab chiqarish va 
daromadga ta’siri birinchi navbatda valyuta kursi orqali sodir bo‛ladi. 
Vaziyat belgilangan valyuta kursi sharoitida o‛zgaradi, bunda markaziy bank 
milliy valyuta kursini ma’lum darajada ushlab turishni o‛z zimmasiga oladi. 
Agar hukumat talabni davlat xaridlarini ko‛paytirish yoki soliqlarni 
kamaytirish orqali rag‛batlantirsa, bu IS egri chizig‛ini o‛ng tomonga IS’gacha 
siljitish orqali modelda aks etadi (13.4.7-rasm). Valyuta kursining ko‛tarilish 
tendentsiyasi yuzaga keladi.