Kvant o'rasidagi elektronlarni minizo’nalar aro o’ptik otishlar

Тадқиқот мақсади: AlSb/InAs/AlSb гетеротузилма асосида электронлар дисперсиясини нопараболиклиги ва бирнеча минизоналарни тўлдирилишини хисобга олган холда электрон газини энергия холатлар зичлиги, транспорт массаси, Ферми энергияси, энтропияси, иссиқлик сиғими ва бошқа катталикларни газнинг тўла концентрацияга боғлиқлигини ўрганиш.
Тадқиқот масаласи:
1. AlSb/InAs/AlSb гетеротузилмасида квант ўрани чекли чуқурлиги ва дисперсия нопараболиклигини хисобга олган холда электрон спектрини тахлил этиш. Қатор холларда электрон спектрини аналитик бахолашларга имкон берадиган содда моделлар қидириш.
2. Икки ўлчамли электрон газини энергия холатлар зичлиги, электронни транспорт массаси, Ферми энергияси в.х. катталикларни газни тўла концентрациясига боғланиши учун сонли ( мумкин бўлган холларда аналитик ) хисоблашларини ўтказиш.
3. Минизоначаларни электрон билан тўлдирилиши, электрон газини термодинамик потенциали ва энтропиясини тўла концентрация ва температурага боғланишини тадқиқ этиш.
Тадқиқот объекти ва предмети. Тадқиқот объекти – AlSb/InAs/AlSb гетеротузилмаси квант ўрасидаги икки ўлчамли электрон газидир. Тадқиқот предмети Ферми сатхидаги транспорт массани, энергия холатлар зичлигини, энтропия в.х. катталикларни газни тўла концентрациясига боғланиши хисобланади.
Тадқиқот методлари: Сонли тахлил, математик моделллаштириш, дифференциал хисоблар.
Тадқиқот гипотезаси: Икки ўлчамли электрон газини тўла концентрацияси ўзгаришида электронни транспорт массасини, газни энергия холатлари зичлиги ва бошқа қатор характеристикаларини аниқлашга қулай бўлган содда математик алгоритм яратилиши мумкин.
Химояга олиб чиқувчи асосий холатлар:
1. AlSb/InAs/AlSb зона тузилишидаги нопараболик хусусиятларини, электронлар учун квант ўра чуқурлигини чеклилигини ва InAs/AlSb гетероўтишдаги масса сакрашини хисобга олган холда минизоналар спектрини хисоблай оладиган соддалаштирилган модел.
2. Икки ўлчамли электронларни тўла концентрацияси, минизоналардаги электронлар концентрацияси, Ферми энергияси, транспорт масса каби катталикларни ўзаро боғланишини ифодаловчи математик модел. Бу модел ёрдамида тажриба маълумотларини интерпретация қилиш ва ўз навбатида зона тузилиши хақида мухим маълумотлар олиш мумкин.
3. Бир неча минизоналар тўлдирилиши шароитида икки ўлчамли электронлар газини энергия холатлари зичлиги ва энтропиясини температурага боғланишини ифодалайдиган модел.