Kvant o'rasidagi elektronlarni minizo’nalar aro o’ptik otishlar

Муаммони ўрганилганлик даражаси. Квази-икки ўлчамли электрон газини реал хоссаларини ўрганишда квант ўрани чекли чуқурлигини, электрон зонасини нопараболиклиги ва бошқа қатор факторларни хисобга олиш зарурдир. А₃В₅ гурухига мансуб яримўтказгич материалларда электрон эффектив массаси кичик бўлиб, кучли электрон-ковак ўзаро тасирлашувидан келиб чиқувчи дисперсия қонунини нопараболиклиги мухим рол ўйнайди. Шу сабабли, эффектив масса тақрибийлигига асосланган натижалардан фойдаланиш - ток ташувчиларни фазовий квантланишдаги энергия спектрини хисоблашда сезиларли хатоликларга олиб келади. Спектрни тўғри хисоблаш учун Кейна моделидан [9] фойдаланиш зарур бўлади.
Электрон дисперсиясини нопараболиклиги – транспорт массани (яъни, кучсиз магнит майдонидаги циклотрон массани ) энергияга боғланишига ва ўз навбатида газни тўла концентрациясига боғланишига олиб келади. Бу боғланишни ўрганишга бағишланган кўплаб тадқиқот ишлари мавжуд [10-13]. Бироқ, бу ишлар хозирга қадар кучсиз легирланган гетеротузилмалар билан чекланган бўлиб, икки ўлчамли электрон газ концентрацияси 1.4×10¹² см^-2 гача бўлган. Квант ўрасини кенглиги бир хил, бироқ электронлар концентрацияси турлича бўлган бирнеча гетеротузилма наъмуналарини эксперментал ўрганиш – транспорт массани концентрацияга боғланишини мукаммал ўрганишга имкон беради. [14] тадқиқот ишида квант ўрали бирнеча AlSb/InAs/AlSb гетеротузилма наъмуналарида паст температураларда (~4.2 K) циклотрон резонанс спектри ўрганилган бўлиб, бунда икки ўлчамли электронлар концентрацияси 2.7×10¹¹ см^-2 дан 8×10¹² см^-2 гача бўлган. Натижада, концентрация ортиши туфайли циклотрон массани 0.03m₀ дан 0.06m₀ гача ортиши кузатилган. Бундай шароитларда бирнеча минизоналарни электронлар билан тўлдирилишига имконият мавжуд.
Бу натижалар ўз навбатида энергия холатлар зичлигини, транспорт массани, Ферми энергиясини, энтропияни, иссиқлик сиғими ва бошқа қатор катталикларни концентрацияга боғланиши каби мухим масалаларни тахлил қилишни тақозо этади.