Kvant nazariyasi uchun 3 daqiqadan

Kvant chigalligi
– Kvant nazariyasining fundamental qoidasi. Unga ko‘ra, ikki, yoki 
undan ortiq kvant zarralari o‘zaro shundayin bog‘langan (birikkan, yoki, chigallashgan) 
bo‘lishi mumkinki, unda, zarralardan birining holati o‘zgarishi zahoti, boshqasining holati 
ham shu lahzaning o‘zida, aynan bir vaqtda o‘zgaradi. Bunda, mazkur ikki zarracha o‘zaro 
bir-biridan qanday uzoq masofada ekanini umuman ahamiyati yo‘q. Ya’ni, o‘zaro chigal 
zarralardan biri Quyoshda, ikkinchisi Andromeda galaktikasida bo‘lsa ham, ular bir 
vaqtning o‘zida holatini o‘zgartiradi.
Kvant nuqtasi
– deb, yarimo‘tkazgichlarda xuddi atomlar singari ta’sirlashadigan 
nanozarralarga aytiladi. 

---

Magnit rezonansli tomograf (MRT)
– ilgarilari «yadroviy magnit-rezonans skaneri» 
deb nomlangan tibbiyot uskunasi. Unda, juda kuchli quvvatli o‘ta o‘tkazgich magnitlar 
vodorod yadrosidagi protonlarning kvant spinini o‘zgartirish uchun xizmat qiladi. 
Bilasizki, ko‘plab tirik organizmlar, shu jumladan, odam tanasi ham asosan suv 
molekulalaridan tarkib topgan va unda albatta vodorod atomi mavjud bo‘ladi. MRT 
skanerlash jarayonida vodorod atomidagi protonlar spini o‘zgaradi; magnit maydonini 
o‘chirilishi zahoti, protonlar o‘z holatiga qaytadi. Aynan shu qaytish jarayonida, o‘zgargan 
spinning o‘z holiga qaytishi natijasida energiyalar farqi yuzaga keladi va ushbu energiya 
foton ko‘rinishida uchib chiqadi. Uchib chiqqan fotonni maxsus sezgir asboblar qayd etadi.
Mahalliy realizm tamoyili 
– kvant zarralari faqat o‘ziga yaqin joylashgan 
zarralargagina real parametrlar bilan ta’sir ko‘rsatadi degan g‘oyani ilgari suruvchi 
konsepsiya. Eynshteyn-Podolski-Rozen fikriy tajribasi kvant nazariyasining ayrim 
qoidalarini absurd deb isbotlash uchun amalga oshirilgan edi. Unga ko‘ra, kvant zarralari 
uchun mahalliy realizm tamoyili o‘rinsiz bo‘lib chiqqan.