Kvant nazariyasi uchun 3 daqiqadan

Keyinchalik ushbu hodisani fanda «Jozefson kontakti» deb yuritila boshlandi. Bu – 
makroskopik miqyosda amalda qo’llashga o’tilgan ilk kvant hodisasi edi.
Jozefson 1973-yilda, ya’ni, atiga 33 yoshida Nobel mukofotini qo’lga kiritgan. U kvant 
tunnellanishi sohasida ilmiy tadqiqotlar olib borgan yana ikkita yetuk fizik olimlar 
bilan birgalikda ushbu mukofotni taqsimlab olgan edi. Odatda, agar Nobel mukofoti 
bir vaqtda bir necha kishiga berilsa, mukofotning pul qismi laureatlar orasida teng 
taqsimlanadi. Lekin, o’sha 1973-yilda, mukofot qo’mitasi adolat yuzasidan maxsus 
qaror chiqargan va pul mukofotining teng yarimini Jozefsonga bergan. Qolgan ikki 
olim esa, mukofotning qolgan teng yarmini ikkiga bo’lib olishgan.
Jozefson Kembrij universitetining to’laqonli professori darajasini 1974-yilda qo’lga 
kiritdi va to 2007-yilgacha, ilmiy tadqiqotlar bilan uzluksiz shug’ullandi.
1970-yillar oxirida Jozefson negadir ilm-fan uchun mas’ul bo‘lgan rasmiy shaxslardan 
norozi bo’la boshlaydi va zamonaviy rasmiyatchilik ilmiy tadqiqotlarning istiqbolli 
yo’nalishlariga yetarlicha e’tibor bermayotganini ta’kidlaydi. U o’sha yillari sharqona 
falsafa va meditatsiya masalalariga qiziqib, ong va tafakkur masalalari bilan 
shug’ullanishga kirishadi. Ya’ni, u aniq fanlar sohasidan biroz chetlanib, ijtimoiy-
falsafiy yo’nalishga qadam qo‘yadi. Shu yo’nalishda izlanishlar olib borib, 1988-yilda 
Jozefson Kembrij universitetida «Ong va materiyani birlashtirish» loyihasiga asos 
soladi. Qizig’i shundaki, ushbu loyiha doirasida, Jozefson aslida nazariy fizikaga 
aloqasi bo’lmagan va asosan madaniyat yo’nalishiga taalluqli bilan mavzularda ham 
tadqiqotlar olib bora boshlagan. Masalan, uning o’sha yillarda olib borgan ishlarida, 
ijtimoiy ong, musiqa, hamda, tilshunoslik va nutq masalalari qamrab olingan ishlarni