"Kutubxona ma'rifatli dunyoga ochilgan eshik". Respublika bolalar kutubxonasi faoliyati

3. Kitob jamlash, to‘kislash va yangi resurslarning elektron katalogini yaratish bo‘limi:

Kitob jamlash, to‘kislash va yangi resurslarning elektron katalogini yaratish bo‘limi “Kutubxona fondlarini jamlash tartibi haqidagi Nizom”ga muvofiq tashkil etilgan. Adabiyotlar bolalar o‘qishiga rahbarlik qiluvchilar uchun va barcha yoshdagi bolalar uchun mo‘ljallab jamlanadi. Kitob jamlashga yordam tariqasida jamlangungacha va joriy jamlash kartotekasi yuritilmoqda. Bo‘lim vaqtli matbuot nashrlariga obuna bo‘lishni tashkil qilib, 43 dan ortiq nomdagi vaqtli matbuot nashrlari kartotekasini yuritadi.

Bolalarning yosh xususiyatlarini inobatga olgan holda KBK tuzumi bo‘yicha bolalar adabiyotlariga kutubxonachilik bibliografik ishlov beriladi. Bo‘lim tomonidan quyidagi kataloglar yuritilmoqda:

Barcha kutubxona uchun alifboli katalog;

Bosh katalog;

2 - 3 sinf o‘quvchilari uchun tizimli katalog;

4 - 7 sinf o‘quvchilari uchun tizimli katalog;

8 - 10 sinf o‘quvchilari uchun tizimli katalog;

Bolalar o‘qishiga rahbarlik qiluvchilar uchun tizimli katalog;

Sarlavhalar katalogi;

Elektron nashrlar katalogi;

Lotin yozuvidagi nashrlar katalogi.

Bo‘lim xodimlari kutubxona fondini bolalar uchun chop etilgan yaxshi va sifatli kitoblar bilan to‘kislash maqsadida O‘zbekiston Respublikasining nashriyot-matbaa ijodiy uylari bilan, “Sharq” NMAK bilan shartnoma asosida ishlamoqdalar. Yangi chiqqan nashrlarning mavzulari axborotnomalari, mavzular rejalari tahlil etilib, kutubxonada yo‘q nashrlarga buyurtma beradilar. Vaqtli matbuot nashrlarini o‘z vaqtida qayd etib, kutubxona bo‘limlariga tarqatadilar. Yangi kelgan adabiyotlarning ko‘rigini tashkil etadilar.

Xayriya jamg‘armalari, turli nodavlat tashkilotlar va homiylar tomonidan ham kitoblar olinib, kitob fondi boyitilmoqda.