Kitobni sev, unga do‘st tutin

Kitobni sev, unga do‘st tutin

Badiiy asarlar o‘qishga juda qiziqaman. Kichik-kichik hikoyalardan tortib yirik asarlar hayotdan dars beradi, mening nazarimda. Kitoblar mening do‘stimga aylanib qoldi. Endi bo‘sh vaqtim zerikarli o‘tmaydi. Bo‘sh vaqtim deyarli topilmaydi. Chunki kitob o‘qiyman. Maktabga kelganimda darrov kutubxonaga kirgim keladi. Dars vaqtida ishtiyoqim oshib kitoblar orasida bo‘lgim keladi. Dars tugashi bilan kutubxonaga shunday shoshamanki. Kitoblarni olib maroq bilan o‘qiyman. Mehrim kitobga qushlar parvozidek baland. Kitoblar ham meni xush ko‘radigandek o‘ziga jalb qiladi. Kitoblar o‘qisam kitob ichiga kirib ketaman go‘yo. Kitob meni ezgulikka chorlaydi. Men bundan aslo bosh tortmayman. Qani endi kitob jonlanib qolsa. Meni do‘stimga aylanib qolganda, aslo men uni tashlab ketmagan bo‘lar edim.

Axir aytishadi-ku: Kitob-bilim o‘chog‘i

Kitobxonning o‘rtog‘i.

Men shu iboraga doim rioya qilaman. Buni do‘stlarimga ham aytaman.

Men kitob o‘qib bilimimni oshirmoqdaman. So‘z boyligim ham ortmoqda. Men bora-bora she’r ham yozishni o‘rgandim. Shoirlar ham ko‘p kitob o‘qishi kerak. Kitob o‘qimay turib hech bir ishni eplab bo‘lmaydi.

Prezidentimiz Shavkat Mirziyoyev ham “Kitobsiz taraqqiyotga, yuksak ma’naviyatga erishib bo‘lmaydi, kitob o‘qimagan odamning ham, millatning ham kelajagi yo‘q” deb bejiz aytmagan ekanlar. Kelajagimiz kitob o‘qishdan boshlanadi.