Курсни тугатиш иши

 
2.2 Мактабгача таълим ташкилотларида ўтказиладиган маърифий тадбирлар режасини ишлаб чиқиш
ДМТТ тарбияланувчилари билан олиб борилаётган маънавий-маърифий ишлар амалиётини ўрганиш гуруҳдан ташқари тарбиявий тадбирларнинг бой тизими мавжудлигини кўрсатади. Педагог-тарбиячиларнинг маънавий-маърифий ишлар бўйича фаолияти йиллик иш режалари педагогик кенгашда тасдиқланади ва мактабгача таълим услубчиси ҳузуридаги семинарларида муҳокама қилинади. Маънавий-маърифий тадбирлар режаси услубчи томонидан тасдиқланиб, амалга оширилади. Ҳар бир иш режа - бўлажак фаолиятнинг дастури, модели эканлигидан келиб чиқади.
ДМТТдаги тарбияланувчиларни юксак маънавий фазилатларини камол топтириш, миллий маънавиятни такомиллаштириш, бой маданий меросимиз, тарихий анъаналаримизга, умуминсо-ний қадриятларга ҳурмат, Ватанга муҳаббат, истиқлол ғояларига садоқат руҳида тарбиялаш мамлакатимизда амалга оширилаётган барча ислоҳотларнинг ҳал қилувчи омилидир.
Маънавий-маърифий ишларнинг асосий мақсади- маънавият ҳар бир миллатга хос умуинсоний қадрият; маънавий-маърифий ишларнинг илмий-педагогик таъминланиши; мактабгача таълимда маънавий-маърифий ишларни ташкил этиш тизимли ёндошув асосида олиб борилиши; МТТ, оила ва маҳалланинг ҳамкорлигидан иборат.
ДМТТларда “Маънавият куни”ни ташкил этишда қуйидагиларга эътиборни қаратиш талаб этилади:

• юқори малакали, маънавий салоҳиятга бой педагоглардан иборат ташвиқот гуруҳларини ташкил этиш;
• ахлоқий-тарбия, маданий-маърифий тарғибот ва ташвиқот ишларини кучайтириш;
• миллий маънавиятимизнинг мазмун-моҳияти, қадимий илдизларни, ноёб ва бетакрор намуналари, бугунги кунда ривожланиш тамойилларини акс эттирувчи, аниқ мақсадга қаратилган тадбирлар режасини ишлаб чиқиш;
• тарбияланувчиларнинг ўқув-тарбия жараёнида олган билимларини мустаҳкамлаш мақсадида сўнги йилларда юртимизда амалга оширилган бунёдкорлик ишлари, айниқса таълим соҳасида эришилган ютуқлар билан таништириш;
• ДМТТ кутубхоналарида тарбияланувчилар ўртасида “Жажжи китобхон”, “Китоблар мўжизаси”, “Китоблар оламига саёҳат”, “Эртаклар-яхшиликка етаклар” мавзуларида маънавий-маърифий тадбирлар ва саҳна кўринишлари ташкил этиш”;
• педагоглар ўртасида ҳуқуқбузарликларни олдини олиш, уларни миллий менталитимизга ёт зарарли таъсирлардан “оммавий маданият” хуружларидан ҳимоя қилишга қаратилган профилактик тадбирларни ташкил этиш;
• педагог ва тарбияланувчилар учун маънавий-маърифий интелектуал тадбирлар ва спорт мусобақалари уюштириш;
• таълим-тарбия жараёнини мувофиқлаштириш мақсадида ўзини-ўзи бошқарув тизимлари фаолиятидан кенг фойдаланиш.