Kurs ishi yozish bo’yicha tavsiyalar

Kurs ishi yozish bo’yicha tavsiyalar.
Kurs ishini yozish talabaning ushbu fan bo’yicha nazariy tayyorgarligini aniqlashga yordam beradi, adabiyotlar bilan mohirona ishlashi, to’plangan ma‘lumotlarni tahlil qilishi, ma‘lumotlar tanlashi, umumlashtirishi va natijalardan ma‘lum xulosalar chiqarishi imkoniyatlarini vujudga keltiradi. Kurs ishini bajarishdan maqsad – talabalar ―Noorganik kimyo fani bo’yicha olgan nazariy va amaliy bilimlarini kengaytirish hamda mustahkamlash, o‘zlashtirilgan bilimlarni tanlangan ixtisoslik sohalariga qo‘llash, ijodiy ishlash va mustaqil fikr mulohazalarni shakllantirish, o‘rganish maqsadida qo‘yilgan masalaning dastlabki bosqichidan boshlab, uning oxirgi natijalari yuzasidan muayyan qarorlar qabul qilish jarayonida chuqur mas‘uliyatni his etish hamda talabalarni mustaqil ishlashga da‘vat etishdan iboratdir. Kurs ishi Noorganik kimyo fanining xotimasi bo’lib, talabalarning bilimlarini bir tizimga solish, ushbu fanni o’rganishni chuqurlashtirish, olingan nazariy bilimlarini mustahkamlash va kengaytirish ishlarini nihoyasiga yetkazadi. Kurs ishini yozish bilan talabalar yangi bilim va ko’nikmalarni o’zlashtiradilar, hamda o’z fikrlarini yozma tarzda ifodalay olish ko’nikmalarini hosil qiladilar.
UMUMIY QOIDALAR
Kurs ishi ustida ishlash davomida talaba o‘quv jarayonida olgan nazariy bilimlari va mustaqil tadqiqot natijalarini yozma ravishda bayon qilish uslubi, keltirilgan fikrlarning aniqligi, materiallarning joylashish ketma-ketligi, tashqi jihozlanishiga qo‘yiladigan umumqabul qilingan talablarni hisobga olgan holda bayon qilish tajribasiga ega bo‘lishi juda muhimdir. Bo‘lajak kimyogarlar o‘z fikrlarini aniq va ravon bayon qila olishi, kiritayotgan takliflarini umumiy va nazariy jihatdan asoslay bilishi, kimyoviy terminlarni o‘z o‘rnida to‘g‘ri ishlata bilishidir. Kurs ishida tavsiya etilgan adabiyotlarni, ayniqsa Prezident asarlari, kimyoga tegishli darsliklar, o‘quv qo‘llanmalar chuqur o‘rganish natijalari aks ettirilsagina, mazkur kurs ishi unga qo‘yiladigan talablarga javob bera oladi.