Kurs ishi mavzu: fors tilida otlarning kontekstual ma’nolari bajardi: “Filologiya” ta`lim yo‘nalishi III kurs talabasi Saidoripova Dilorom (imzo) Ilmiy rahbar: “Eron-Afg‘on filologiyasi” kafedrasi o‘qituvchisi N. N. Nuriddinov

Mavzuning o‘rganilganlik darajasi. O‘tgan davr mobaynida otlarning kontekstual ma’no munosabatlari bo‘yicha ham talaygina tadqiqotlar amalga oshirilgan. Xususan, otlarni o‘zbek tadqiqotchilaridan T.Aliqulov⁵, Yevropa tilshunos olimlaridan О.Севастьянова⁶, so‘zlarning ma’no tarkibi va xususiyatlari bo‘yicha o‘zbek tadqiqotchilaridan M.Mirtojiyev⁷ H.Ne’matov va R.Rasulov⁸, I.Qo‘chqortoyev⁹, R.Safarova¹⁰, E.Qilichev¹¹lar, Yevropa tilshunos olimlaridan Л.А.Новыков¹², Н.С.Прудникого¹³, Y.D. Apresyan¹⁴, А.Г.Шереметьева¹⁵, О.С.Ахманова¹⁶, Р.А.Будагов¹⁷lar salmoqli ishlar olib borishgan.
Tadqiqotning maqsadi.Tadqiqotdan asosiy ko‘zda tutilgan maqsad o‘zbek eronshunosligida birinchi marta hozirgi fors tili fe’l tizimidagi otlarning kontekstual ma’no munosabati, xususan, fors tilidagi otlarning jumla tarkibida anglatayotgan ma‘nosini namuna sifatida tanlab olingan beshta ot misolida o‘rganish, hamda tadqiqot bo‘yicha o‘zimizning ilk mulohaza va xulosalarimizni ma’lum qilishdan iboratdir. Bunday masalaning hal etilishi bir tomondan nazariy ahamiyati bo`lsa, ikkinchi tomondan amaliy ahamiyati ham mavjud.
Tadqiqotning vazifalari. Tadqiqot davomida quyidagi vazifalar amalga oshirildi:

• 
  Yevropa, o‘zbek va Eron olimlarining mavzuga oid qarashlari o‘rganildi;
  
• 
  Fors tilidagi otlarnig kontekstual ma’nosini o`rganishda namuna sifatida tanlab olingan otlarning nominativ, ko‘chma ma’nolari hamda emotsional-ekspressiv ma’nolari ko‘rib chiqildi hamda tahlil qilindi.
  

Tadqiqotning metodologik asoslari. Tadqiqotni o‘rganish mobaynida ma’lumot to‘plash, tarjima, tahlil, tizimli yondashuv, umumiylikdan xususiylikka va xususiylikdan umumiylikka kabi usullardan foydalanildi.
Tadqiqotning nazariy va amaliy ahamiyati. Kurs ishi fors tili leksikologiyasining bir qismi bo‘lib, otlarning kontekstda ya’ni matn tarkibida qanday ma’no anglatishini atroflicha o‘rganib chiqish va ilmiy jihatlarini yoritishga mo‘ljallangan.