Kurs ishi mavzu: Bo’lajak pedagoglarni loyihaviy faoliyatga tayyorlash diagnostikasi va korrektsiyasi Bajardi

Mavzuning o‘rganilganlik darajasi.

Bo’lajak o’qituvchilarni ta’lim jarayonini loyihalashga o’rgatish, kasbiy-shaxsiy sifatlarni shakllantirish, ularni istiqboldagi pedagogik faoliyatga tayyorlash, o’qituvchilarda innovatsion tayyorgarlikni shakllantirish, ulardagi kasbiy ijodkorlik ko’nikmalarini rivojlantirish muammolari ko’pgina ilmiy izlanishlarda o’z ifodasini topgan.

B.Abdullaeva, N.N.Azizxodjaeva, H.Abdukarimov, R.Djuraev, N.A.Muslimov, U.Nishonaliev, B.Raximov, N.Sayidahmedov, O’.Tolipov, SH.SHaripov, N.SHodiev, N.Erkaboeva, D.YUnusova, J.G’.Yo’ldoshev, O.Haydarova kabi olimlarning tadqiqotlarida bo’lajak o’qituvchilarni pedagogik kasbiy faoliyatga tayyorlashning nazariy va amaliy asoslari, shart-sharoitlari, pedagogik mahoratning shakllanish bosqichlari, B.R.Adizov, R.SH.Ahlidinov, SH.Barotov, M.G.Davletshin, SH.Q.Mardonov, N.Safoev, E.Seytxalilov, G’.SHoumarov, J.G’.Yo’ldoshev, SH.Qurbonov, E.G’ozievlarning ishlarida ta’lim-tarbiya jarayonini texnologiyalashtirish, shaxsga yo’naltirilgan ta’lim jarayonining pedagogik-psixologik muammolari, A.Abduqodirov, U.Begimqulov, N.Taylakov, F.Zokirovaning tadqiqot ishlarida pedagogik jarayonga innovatsion texnologik yondashuv hamda bo’lajak o’qituvchilarni tayyorlashda pedagogik hamda axborot texnologiyalardan foydalanishning o’ziga xos jihatlari ochib berilgan.

MDH olimlaridan A.A.Bodalev, A.Derkach, N.V.Kuzmina, A.Rean, E.Rыbalko lar akmeologiyaning predmeti, vazifalari, shaxs faoliyatidagi ahamiyati hamda bo’lajak mutaxassislar kamolotidagi o’rni va ahamiyatini o’rganganlar. Ta’lim jarayonini loyihalash va bo’lajak mutaxassislarni loyihalash faoliyatiga tayyorlash masalalari E.S.Zair-Bek, I.A.Kolesnikova V.M.Monaxovlarning ishlarida o’z aksini topgan.

Xorijlik olimlar B. Myunsterberg, D. Xolland, D.Syuperlar shaxsning kabiy jihatdan yuqori darajada etuklikka erishish muammolarini o’rgangan bo’lsalar, shaxsning kasbiy martabaga ega bo’lish jarayoni va uning pedagogik-psixologik jihatlarini A.Maslou, L.Zondi, A. Bandura, Dj. Rotterlar (AQSH) tadqiq etishgan.

Qayd etilgan tadqiqotlarda bo’lajak o’qituvchilarni loyihaviy faoliyatga akmeologik yondashuv asosida tayyorlash, ularning ta’lim jarayonini loyihalashga oid ko’nikmalarini shakllantirish, pedagogik tafakkurini rivojlantirish, ularda o’z kasbiy faoliyatiga nisbatan ijobiy munosabatni tarkib toptirishning ayrim jihatlari ochib berilgan.