Курс иши мавзу: Асептика ва антисептика

Тикув материалини стерилизацияси нур ёки махсус антисептик эритмалар ёрдамида завод шароитида амалга оширилади.

Метал конструкцияларни стерилизацияси (пластинкалар, шуруплар, винтлар, спицалар)- ушбу конструкциялар автоклавда ёки қуруқ иссиқлик шкафларида стерилланади.

Мураккаб протезларни стерилизацияси (юрак клапанлари, бўғимлар) – газ камераларида ёки антисептик эритмаларда стерилланади. Ишлаб чиқарувчи фирмаларда нур ёрдамида стерилизация қилинади.

Трансплантантларни стерилизация қилишни имконияти йўқ, шунинг учун донордан органлар олинаётган вақтда асептика қоидаларига қатьий амал қилинади. Донор организмидан олингандан кейин орган стерил эритмаларда ювилади ва стерил шароити бор герметик контейнерга жойлаштирилади.

Антисептика

(anti– қарши, septicos чиришни чақирувчи, чиритувчи, синоним – чиришга қарши) – бу даволаш –профилактика чора тадбирлар тизими бўлиб, жароҳатда, патологик ўчоқда, орган ва тўқималарда, умуман бемор организмида кимёвий воситалар ва биологик факторларни, шунингдек механик ва физик усулларни таъсирини қўллаган ҳолда микроорганизмларни йўқотишга қаратилган чора -тадбирлар йиғиндисидир.

Ишлатилиш хусусиятларига қараб антисептикларни турлари:


1. Механик антисептика – бу жарохат инфекциясини даволаш ва профилактикасини таркибий қисмларидан биридир;


Механик антисептикани методлари:

1. 
   Жароҳатга хирургик ишлов бериш:
   

Жароҳатга бирламчи хирургик ишлов бериш(БХИ) – инфицирланган жароҳатни стерил (асептик) жароҳатга айлантиришга қаратилган чора- тадбирлар йиғиндиси бўлиб- ревизия; қирғоқларини ажратиш; жароҳатни туби, қирғоқлари деворларини кесиб олиш; ёт жисмларни, гематомаларни олиб ташлаш; зарарланган тўқималарни бутунлигини тиклашлар ифлосланган тўқималарни даволашни асосий методи ҳисобланади.