Kurbanova durdona salaxitdinovna gimnastika va uni o

2.4. O`zbekiston badiiy gimnastikachi
qizlarimizning Xalqaro maydonlardagi o`rni 
O‘zbekiston Respublikasi Madaniyat va sport ishlari vazirligi, Milliy 
olimpiya qo‘mitasi, Gimnastika federatsiyasi hamkorligida Xalqaro gimnastika 
federatsiyasi shafeligida tashkil etilgan turnirlarda ishtirok etish uchun 
O‘zbekiston, Janubiy Koreya, Yaponiya, Rossiya, Latviya, Belarus, Bolgariya, 
Malayziya, Ozarbayjon, Armaniston, Janubiy Afrika Respublikasi, Ispaniya, 

---

37
Italiya, Argentina, Shveytsariya, Finlyandiya, Isroil va boshqa mamlakatlardan eng 
kuchli gimnastikachilar kelgan.
O‘zbekiston gimnastika federatsiyasi prezidenti L.Karimova-Tillayeva 
xalqaro musobaqalarni ochiq deb e’lon qildi.
Mamlakatimizda sportni rivojlantirishga qaratilayotgan ulkan e’tibor yuksak 
samaralar berayotgani alohida ta’kidlandi. Bu jarayonda sportning qizlarga xos 
turlari, ayniqsa, badiiy gimnastikani yanada ommalashtirish, malakali murabbiylar 
tayyorlash, ularning faoliyatini har tomonlama qo‘llab-quvvatlash borasida tizimli 
ishlar amalga oshirilmoqda.
Birinchi Prezidentimiz Islom Karimov rahnamoligida sog‘lom va barkamol 
avlodni voyaga yetkazishga, jismoniy tarbiya va sportni rivojlantirishga 
qaratilayotgan g‘amxo‘rlik tufayli mamlakatimizda yangi iste’dodlar, mahoratli 
sportchilar yetishib chiqmoqda, ular xalqaro maydonlarda O‘zbekiston shon-
shavkatini yanada yuksaltirmoqda.
Gimnastika bilan shug‘ullanish insonning jismoniy go‘zalligini 
shakllantirish bilan birga, uning fe’l-atvori, fazilatlarini rivojlantiradi, irodasini 
chiniqtiradi. O‘zbekiston gimnastika federatsiyasi mamlakatimizda ushbu 
sportning barcha asosiy turlari – sport gimnastikasi, badiiy gimnastika, trampolin, 
akrobatikani ommalashtirishga doir izchil ishlarni amalga oshirmoqda. Davlatimiz 
ko‘magida iqtidorli sportchilarni aniqlashga yordam berayotgan mintaqaviy va 
respublika musobaqalari muntazam o‘tkazilayotir.
Mamlakatimizning barcha viloyatlarida gimnastika bilan shug‘ullanish 
uchun xalqaro talablarga to‘liq javob beradigan markazlar tashkil etildi, ularda har 
kuni minglab o‘g‘il-qizlar ushbu sport turi bilan muntazam shug‘ullanmoqda. 
Ularning eng iqtidorlilari gimnastika bo‘yicha o‘smirlar va milliy terma jamoalar 
safiga jalb etilmoqda. Nafaqat sport komplekslari va ixtisoslashtirilgan sport 
maktablari, balki umumta’lim maktablarining sport zallari ham zamonaviy 
gimnastika inventarlari bilan jihozlangan.

---

38
2011-yilda Badiiy gimnastika bo‘yicha bolalar-o‘smirlar ixtisoslashtirilgan 
respublika olimpiya zaxirasi sport maktabi tashkil qilindi. Olimpiadaga tayyorlash 
markazi hisoblangan ushbu maktab O‘zbekiston terma jamoalari sportchilari uchun 
turli musobaqalarga tayyorgarlik ko‘rish va yirik turnirlarni tashkil etish imkonini 
bermoqda. 
Jahon tajribasi hisobga olingan holda, murabbiylar malakasini oshirishga 
katta e’tibor berilmoqda. Bu borada istiqbolli ilmiy va tibbiy yangiliklarni 
o‘rganish, sportchilarni tayyorlash, sport uskunalarini ishlab chiqarish – bularning 
barchasi sportni yanada ommalashtirish, salomatlik omiliga aylantirishga xizmat 
qilayotir. O‘zbekiston gimnastika federatsiyasi shu maqsadda Xalqaro gimnastika 
federatsiyasi va Osiyo gimnastika ittifoqi tomonidan o‘tkazilayotgan xalqaro 
forumlarda faol ishtirok etib kelmoqda. Ilg‘or tajribani ommalashtirish uchun 
poytaxtimiz va viloyatlarda xalqaro hamda mahalliy mutaxassislar ishtirokida 
murabbiylar va hakamlar uchun seminarlar muntazam tashkil etilmoqda.
«O‘zbekistonda bolalar sportini rivojlantirish, ayniqsa, qizlarni sportga keng 
jalb qilishga katta e’tibor qaratilayotgani diqqatga sazovor», – deydi yaponiyalik 
murabbiya Oka Kurumi. –«Barcha shahar va tumanlarda bunyod etilgan 
zamonaviy sport majmualarida qizlar sportning bir necha turi bilan shug‘ullanib, 
sog‘lom bo‘lib ulg‘aymoqda, katta sportga qadam qo‘ymoqda. Mamlakatingizda 
badiiy gimnastika tez rivojlanmoqda. O‘zbekiston gimnastikachilari xalqaro 
musobaqalarda muvaffaqiyat qozonayotgani, yurtingizda nufuzli turnirlar 
muntazam tashkil etilayotgani buning yorqin ifodasidir».
Maqomiga ko‘ra Olimpiya o‘yinlari va jahon chempionatiga yaqin turadigan 
bunday yuksak saviyadagi badiiy gimnastika musobaqalari O‘zbekistonda birinchi 
marta o‘tkazilayotgani yo‘q. Toshkent shahri badiiy gimnastika bo‘yicha jahon 
kubogi bosqichlari, 2010 va 2013-yillarda Osiyo chempionati, 2014-yilning aprel 
oyida sport gimnastikasi bo‘yicha qit’a chempionatiga mezbonlik qilgani 
mamlakatimizda sport, xususan, gimnastikani rivojlantirishga qaratilayotgan 
e’tiborning yana bir amaliy ifodasidir.

---

39
Birinchi 
prezidentimizning 
2013-yil 
25-fevraldagi 
"O‘zbekiston 
sportchilarini 2016-yilda Rio-de-Janeyro shahrida (Braziliya) bo‘lib o‘tadigan 
XXXI yozgi Olimpiya va XV Paralimpiya o‘yinlariga tayyorlash to‘g‘risida”gi 
qarori ijrosini ta’minlash yuzasidan ishlab chiqilgan tayyorgarlik dasturiga ko‘ra, 
gimnastika ham mamlakatimizda yetakchi sport turlari qatoridan joy oldi. 
Gimnastikaning Olimpiya o‘yinlari dasturiga kiritilgan turlari – badiiy gimnastika, 
sport gimnastikasi va trampolin bo‘yicha o‘tkaziladigan musobaqalarda 
qatnashayotgan sportchilarimiz ko‘rsatkichlarini tobora yaxshilash, olimpiya 
yo‘llanmalarini qo‘lga kiritish hamda Braziliyada bo‘ladigan Olimpiada 
sovrindorlari qatoridan o‘rin olish uchun astoydil bel bog‘lashgan. 
2015 yilning sport mavsumida
O‘zbekiston badiiy gimnastikachilari nufuzli 
musobaqalarda yuqori natijalarga erishdi. Gretsiyaning Afina shahrida o‘tkazilgan 
"Aphrodite Cup–2015” xalqaro turnirida O‘zbekiston gimnastikachilari uchtadan 
oltin va kumush hamda bitta bronza medalni qo‘lga kiritdi.
Toshkent shahrida
bo’lgan
badiiy gimnastika bo‘yicha jahon kubogi va 
"Happy Caravan” xalqaro turnirida dunyoning eng kuchli yuzga yaqin 
gimnastikachisi o‘z iste’dod va mahoratini namoyish etdi.
– Musobaqa juda yuqori saviyada tashkil etilgan
, – 
deydi italiyalik 
gimnastikachi Lititsiya Chikkonelli. – O‘zbekistonda badiiy gimnastikani 
rivojlantirish borasida ulkan ishlar amalga oshirilayotganining guvohi bo‘ldik. 
Mamlakatingiz sportchilari juda mahoratli, musobaqaga yaxshi tayyorgarlik 
ko‘rgani ham sezilib turibdi. Ushbu jahon kubogi bosqichi g‘oyat ahamiya
tli. 
Men 
ham unda bor mahoratimni namoyish etib, g‘alaba qozonish niyatidaman. Bu 
musobaqa har bir ishtirokchi hayotida yorqin va o‘chmas sahifa bo‘lib qolishiga 
ishonchim komil.
Mazkur xalqaro turnirning yakkaliklar o‘rtasidagi bahslarida Anora 
Davlatova, Nilufar Shomurodova, Jasmin Yusupova, Yelizaveta Nazarenkova, 
Anastasiya Serdyukova va Ravilya Farxutdinova singari gimnastikachilarimiz 
Vatanimiz sharafini himoya qilmoqda. Guruh bahslarida Luiza G‘aniyeva, Marta 

---

40
Rostoburova, Zarina Qurbonova, Valeriya Davidova va Samira Amirovadan iborat 
jamoamiz qatnashmoqda. 
 
Braziliyaning Rio-de-Janeyro shahrida badiiy gimnastika bo‘yicha 
o‘tkazilayotgan litsenzion musobaqada o‘zbekistonlik sportchilar jamoaviy 
bahslarda muvaffaqiyatli ishtirok etib, XXXI yozgi Olimpiada o‘yinlariga 
yo‘llanmani qo‘lga kiritdi.
Jamoaviy bahslarda O‘zbekiston sharafini himoya qilgan Samira Amirova, 
Valeriya Davidova, Luiza Ganiyeva, Zarina Qurbonova hamda Marta Rastoburova 
final bellashuvlarida umumiy hisobda 32,832 ochko jamg‘arib, Germaniya terma 
jamoasidan keyin ikkinchi o‘rinni band etdi va Rio–2016 Olimpiada o‘yinlari 
yo‘llanmasiga ega bo‘ldi. 
Jamoaviy bahslarda 1–3-o‘rinlarni band etgan jamoalar Olimpiada 
o‘yinlariga yo‘llanma oldi. O‘zbekistonlik badiiy gimnastikachilar final bahslarida 
Gretsiya, Finlyandiya, Braziliya, Ozarbayjon va Janubiy Koreya terma jamoalarini 
ortda qoldirishga muvaffaq bo‘ldi. Ta’kidlash joizki, badiiy gimnastika bo‘yicha 
jamoaviy bahslarda shu paytga qadar o‘zbekistonlik sportchilar Olimpiada 
o‘yinlariga yo‘llanma olmagan edi. Avvalroq Rio–2016 Olimpiada o‘yinlariga 
yo‘llanmalarni Anton Fokin (
sport gimnastikasi
), Oksana Chusovitina (
sport 
gimnastikasi
), Yekaterina Xilko (
trampolin
) va Anastasiya Serdyukova (
badiiy 
gimnastika
) qo‘lga kiritgan edi. 
Shu tariqa, O‘zbekistonlik sportchilar tomonidan Rio–2016 o‘yinlariga 
qo‘lga kiritilgan yo‘llanmalar soni 70 taga yetdi. Shulardan 25 tasi 
paralimpiyachilarga tegishli. Rio–2016 Olimpiada o‘yinlariga yo‘llanma olgan 
sportchilarimizdan 4 tasi oltin, 2 tasi kumush, 7 tasi bronza medali sohiblari 
aylandi. Gimnastikachilarimizdan Oksana Chusovitina 7 o‘rinni egalladi. Badiiy 
gimnastikachilardan yakkalik bahslarida Anastasiya Serdyukova 17 o‘rinni, 
guruhli chiqishlarda Marta Rostoburova, Luiza Ganieva, Zarina Qurbonova, 
Valeriya Davidova, Samira Amirova 14 ta davlat ichida 11 o‘rinni egallashdi.

---

41
Kuni kecha (2017 yil 18-19 aprel) bo‘lib “Xappy Caravan” festivalida 
O‘zbekiston terma jamoasi uchinchi o‘rinni, (2017 yil 21-23 aprel) 20 ta 
mamlakatdan kelgan 200 tadan ortiq sportchilar ishtirok etgan badiiy gimnastika 
bo‘yicha jahon kubogi etapida yurtdoshimiz Anastasiya Serdyukova uchinchi 
o‘rinni egalladi va “Alinaning xayriya fondi”dan Alina Kabaeva tomonidan 
“Artistizm uchun” sertifikati bilan taqdirlandi.