6.4.Xalqaro sport harakati
Xalqaro sport aloqalari xalqlar o’rtasida madaniy munosabatlarning ulkan
ijtimoiy-siyosiy ahamiyatga ega bo’lgan shakllaridan biri bo’lib, bu aloqalar o’z
taraqqiyoti davomida ko’p marotaba tartibiy va tarkibiy o’zgarishlarga duch
kelgan, binobarin, ularning g’oyaviy tamoyillari o’zgargan.
Xalqaro aloqalar 2 ta muhim qismdan iborat:
A. xalqaro sport harakatlari.
B. xalqaro sport munosabatlari.
Xalqaro sport harakatlari – bu turli mamlakat sportchilarining davlatlararo
birlashuvi bo’lib, bu birlashuv, sportni rivojlantirish, sportda Olimpiya, Jahon va
qit’alar birinchiligini aniqlash, sportni reglamentga (tartibga) solish va rekordlarni
ro’yxatga olish maqsadida, milliy sport tashkilotlari va xalqaro sport uyushmalari
yordamida amalga oshiriladi.
Xalqaro sport harakati taraqqiyotini turli mamlakatlarda erishilgansport
muvaffaqiyatlarining ijobiy ta’sirisiz tasavvur qilib bo’lmaydi. Fan va madaniyatga
to’la dahldor bo’lgan, ayni chog’da umuminsoniy madaniyatning bir tarmog’i
hisoblangan sportda ham o’z ifodasini topgan bu jarayon ayniqsa kapitalizm
davrida katta kuchga kirdi.
Xalqaro sport harakatini tiklash va rivojlantirishga ta’sir ko’rsatuvchi
faktorlar beg’araz va davomlidir.
Xalqaro sport harakatida bu harakatning tashkiliy tomonini rivojlantiruvchi
bir-biri bilan o’zaro bog’liq bo’lgan ikkita oqim aniq ko’zga tashlanadi: A. milliy
sport tashkilotlarini yaratish; B. va xalqaro sport uyushmalarini tashkil qilish.
Xalqaro sport harakatining bugungi mavjud tarkibi ko’p qiyofali. Uning
tarkibiga turli xil jihatlari bilan (xududiy va mintaqaviy) va kasbiy jihatlar, o’quv
yurtlari (universiadalar), ilmiy muassasalar o’rtasidagi tiklangan aloqalar an’anasi
bo’yicha) shakllangan sportchilar va sport tashkilotlari birlashmalari kiradi.
Xalqaro sport harakatida birlashtiruvchi va boshqaruvchi yagona markaz
bo’lmaydi. O’z oldiga jimsoniy madaniyat va sport taraqqiyotini asosiy maqsad
qilib qo’ygan xalqaro sport uyushmalari nizomiy tartibga ko’ra, ularni jahon
miqyosida birlashtiruvchi biron bir rahbariy idoraga itoat etmagan holda, o’z
faoliyatini muxtor tashkilot sifatida amalga oshiradilar. Binobarin, xalqaro sport
harakati tashkiliy jihatdan yaxlit bo’la olmaydi.
Lekin shuni ham aytish kerakki, xalqaro sport harakatida tashkiliy jihatdan
ancha mantiqiy va tekis qiyofaga ega bo’lgan sport shakllari, shuningdek, amaliy
ishni bajarishga muvofiqlashgan aniq maqsad va vazifalar vujudga keldi. Bu
birinchi navbatda Xalqaro Olimpiya harakatidirki, u o’zining 100 yillik umri
mobaynida xalqaro sport harakatining eng batartib va eng ommaviy jabqasi bo’lib
tanildi. Bu xalqaro harakatga XOK (Xalqaro Olimpiya qo’mitasi) boshchilik qiladi.
MOQ (ya’ni milliy Olimpiya qo’mitasi) hamda Olimpiya o’yinlari dasturiga
kiruvchi sport turlari bo’yicha xalqaro milliy uyushmalar -–Olimpiya harakati
tuzilishining poydevori hisoblanadi. Olimpiya o’yinlarining nizomlari xalqaro
Olimpiya qo’mitasi (XOQ) milliy Olimpiya qo’mitalari (MOQ) xalqaro va milliy
uyushmalar o’rtasidagi munosabatlarni muvofiqlashtirib turadi.
Shu bilan birga, bir qator sport uyushmalari va Olimpiya dasturiga kirmagan
ayrim sport turlari ham xalqarol sport harakati tarkibida bo’lishi mumkin.
Sport fanining rivojlanishi, jismoniy tarbiya va sport faoliyatining ilmiy
masalalari bilan shug’ullanuvchi xalqaro birlashmalarni vujudga keltirdi. Ushbu
g’ayrisport tashkilotlarning amaliy faoliyatida jismoniy tarbiya va sport quyidagi
muayyan o’rinlarni egallaydi:
1. demokratik yoshlarning xalqaro uyushmasi;
2. xalqaro ijtimoiy uyushma;
3. xalqaro me’morlar ittifoqi;
4. ko’rlar sihat-salomatligini muhofaza qiluvchi xalqaro kengash;
5. butun jahon yoshlar ittifoqi va hokazolar.
Sport
BMT
(Birlashgan
millatlar
tashkiloti)
va
uning
maxsus
muassasalarining diqqat markazida turadi. BMT bosh assambleyasi, BMT ning
mustamlaka mamlakatlar va xalqlarga mustaqillik berish haqidagi deklarasiyalarni
amalga oshiruvchi maxsus qo’mitasi, shuningdek BMTning aparteidga (irqiy
ayirmachilikka) qarshi kurash olib boruvchi maxsus qo’mitasi, sportda irqiy
kamsitishga dahldor bo’lgan masalalarni, irqchiliy tuzumi hukmdor bo’lgan
mamlakatlar bilan sport sohasida hyech qanday aloqa bog’lamaslikni muhokama
qiladilar. YuNESKO qoshida yoshlar instituti hamda jismoniy tarbiya va sport
bo’yicha xalqaro kengash mavjud. Qolaversa, Butunjahon sog’liqni saqlash
tashkiloti, butunjahon fiziologlar ittifoqi va boshqalar sportga katta ahamiyat
bermoqdalar.
Xalqaro Olimpiya qo’mitasi – XOQ ning yaxshi yo’lga qo’yilgan faoliyatidan
tashqari hozir yana xalqaro ahamiyatga molik ikkita tashkilot mavjud.
Bular:xalqaro sport uyushmasining bosh assambleyasi hamda Milliy Olimpiya
qo’mitasi – MOQning doimiy bosh assambleyasidir. Bu tashkilotlardan tashqari
yana jismoniy tarbiya va sport bo’yicha xalqaro kengash ham bor. Mazkur
tashkilotlar tarkibiga sport ilmi sohasida faoliyat ko’rsatayotgan uyushmalar
(masalan, sport medisinasining xalqaro uyushmasi va b.) kiradi. Ayrim uyushmalar
o’z faoliyatini mutaxassislik bo’yicha (masalan, temiryo’lchilarning xalqaro sport
ittifoqi) yoki tashkilotlarning o’ziga xos qiziqishlarini hisobga olgan holda
(masalan, xalqaro sportni yorituvchi matbuot anjumani, xalqaro karlar sport
qo’mitasi, xalqaro baliq ovlash sporti birlashmasi) tashkil qiladilar.
Yuqorida zikr etilgan uyushmalardan tashqari, faoliyati muayyan qit’a yoki
jug’rofiy hududda jismoniy tarbiya va sportni rivojlantirishga qaratilgan
mintaqaviy uyushmalar ham mavjud.
Odatda, bu uyushmalar qit’a (mintaqa) bo’yicha sport o’yinlarini o’tkazishni
o’z oldilariga maqsad qilib qo’yadilar. XOQ – xalqaro Olimpiya qo’mitasi bu
o’yinlarga xomiylik qiladi, lekin shart shuki, bu o’yinlar XOQning Olimpizmni
targ’ib qilishda va havaskorlik sportni rivojlantirishda madadkor bo’luvchi
talablariga mos tushishi lozim.
XOQ –Xalqaro Olimpiya qo’mitasi quyidagi mintaqa o’yinlarini tan oladi:
1. Uzoq Sharq (Xitoy, Yaponiya, Filippin) O’yinlari;
2. Markaziy Amerika mamlakatlari va Karib dengizi O’yinlari;
3. Bolivaria O’yinlari;
4. Umum Amerika O’yinlari(Panamerika);
5. O’rta Yer dengizi O’yinlari;
6. Osiyo O’yinlari;
7. Afrika O’yinlari.
1970 yildan boshlab 25 ta Ovrupa qo’mitasi tomonidan o’tkazilgan majlisda
Ovrupa Olimpiya qo’mitalarining doimiy konferensiyasini ta’sis qilish haqida
qaror qabul qilindi.
Mintaqa o’yinlari muddati 15 kundan oshmasligi kerak, faqat havaskorlargina
qatnashadigan bu o’yinlar 4 yilda bir marta, ammo Olimpiya o’yinlaridan kamida
12 oy oldin yoki 12 oy keyin o’tkazilishi lozim. Mintaqa o’yinini uyushtirmoqchi
bo’lganlar Xalqaro Olimpiya qo’mitasi XOQga o’yinlar boshlanishidan ikki yil
oldin xabar qiladilar. O’z sport turlari ushbu o’yin dasturiga kiritilgan xalqaro
uyushmalarining vakillari musobaqani borishini nazorat qiladilar. O’yinlarning
qonun va nizomlari XOQ tomonidan tasdiqlanadi.
«Olimpiya o’yini», «Olimpiada» kabi atamalar, shuningdek besh halqa va
«Tezroq, balandroq, kuchliroq» degan Olimpiya shiori bu o’yin musobaqalarida
qo’llanilmaydi.
Do'stlaringiz bilan baham: |