Kun tartibi

Uslubiy birlashma rahbari: Z.Salayeva
Urganch shahar 1-son umumiy o`rta ta’lim maktabi

“Aniq fanlar” uslubiy birlashmasi

2019-2020 o`quv yili oktabr oyida qilingan ishlar
HISOBOTI
Aniq fanlar uslubiy birlashmasi fan o`qituvchilari oktabr oyida darslarni samarali tashkil qilish uchun yig`ilish o`tkazib oldilar. Shu bilan birga Xorazm viloyat xalq ta’limi boshqarmasining O’zbekiston Respublikasi Vazirlar mahkamasining 2018 yil 8 dekabrdagi “Xalq ta’limi tizimida ta’lim sifatini baholash sohasidagi xalqaro tadqiqotlarni tashkil etish chora-tadbirlari to’g’risida”gi 997-son qarori ijrosini ta’minlash, xalqaro tadqiqotlarga tayyorgarlik ko’rish va unda munosib qatnashish maqsadidagi buyrug’iga asosan, metod birlashma a’zolari bilan seminar o’tkazildi. Unda o’qituvchilarga PIRLS, TIMSS, PISА, TALIS lar haqida tushuncha va ma’lumotlar berildi va darslarni turli pedtexnologiyalar asosida tashkil qilish bilan birga darslarda PISA testlardan namunalar yechilib borilishi kerakligiga kelishib olindi. Bu bilan o’quvchilarni PISA testlarini yechish malakasini oshirib borishga erishilishi ta’kidlanib, o`zaro fikr almashdilar. Oktabr oyida uslubiy birlashma a`zolari darslarning samaradorligini oshirish uchun ochiq darslar tashkil qildilar. Matematika fani o’qituvchisi E.Abdusharipov 7-sinfda ”Qo’shni va vertikal burchaklarning xossalari” mavzusida, matematika fani o’qituvchisi Sh. Ataboyeva 5-sinfda ”Natural sonlarni qo’shish va ularning xossalari” mavzusida, matematika fani o’qituvchisi A.Atamurotov 8-sinfda ”Natural ko’rsatkichli darajaning arifmetik ildizi va uning xossalari” mavzusida, matematika fani o’qituvchisi Z.Salayeva 11-sinfda ” Hosila yordamida funksiyani tekshirish va grafigini yasashga doir misollar yechish” mavzusida namunali ochiq dars mashg’ulotlari tashkil qilib o’quvchilarni fanga qiziqishini yanada kuchaytirishga erishdilar. Ochiq darslarni yangi usullar asosida AKTdan foydalangan holda tashkil qildilar.O`tilgan ochiq darslar uslubiy birlashma a`zolari tomonidan tahlil qilindi.Yutuq va kamchiliklar muhokama qilindi.Uslubiy birlashma a`zolari chorak oxiri bo`lgani uchun choraklik baholari chiqardilar.Bundan tashqari o`quv yili davomida to`garak jurnali va rejalarini ishlab chiqdilar,iqtidorli va bo`sh o`zlashtiruvchi o`quvchilar bilan to`garak mashg`ulotlarini olib bordilar.