Kredit-iqtisod

Iltimos  va  istak

.  Iltimos,  o‗tinch,  so‗rov  bilan  o‗quvchi-talabalarga  murojaat 

etish,  ularga  va  ular  kuchiga  bo‗lgan  ishonchni  ifodalaydi.  Shuning  uchun  ham 

sinfga, guruhga yoki ayrim o‗quvchi-talabaga biror ishda yordam berishlarini iltimos 

qilinganda ularga ma‘qul tushadi, ularning faolligini safarbar qiladi va buni yoshlar 

bajonidil  bajaradilar.  Iltimos  o‗quvchi-talabalarning  kuchiga  ishonish  va  hurmat 

etishga  asoslanadi.  Iltimos  yoki  so‗rash  xushmuomalalik  va  nazokat  bilan  amalga 

oshiriladi. Masalan, «Akbarxon, shu kitobni Burxonga eltib berishingni so‗rayman», 

«Erkin,  Vali  bilan  dars  tayyorlab,  unga  yordam  berishingni  iltimos  qilaman». 

Bulardan  tashqari,  iltimosni  istak  bilan  qo‗shib  muomala  qilishi  mumkin.  Masalan, 

«Umarjon, kitobingizning muqovasiga qog‗oz o‗rab olsangiz yaxshi bo‗lar edi», yoki 

«Do‗stlar,  hozir  dam  olsak  qanday  bo‗lar  ekan?»,  «Qariyalarga  yordam  bersangiz, 

ular  xursand  bo‗ladilar»,  «Men  shu  kitobni  o‗qib  chiqishingizni  istar  edim».  Istak, 

xohish  bildirish  o‗qituvchi-pedagoglarning  o‗quvchi-talabalarga  nisbatan  muhabbati 

va  ishonchini  bildiradi.  Bunday  muomalani  ko‗rgan  o‗quvchi-talabada  ham 

o‗qituvchi-pedagog  yoki  tarbiyachiga  nisbatan  hurmat  va  ishonch  ortadi.  Shu  bilan 

birga  bunday  muomala,  o‗quvchi-talabalarni  nazokatli,  bir-birini  hurmat  qiladigan, 

xushmuomala bo‗lishga o‗rgatadi.