Kostyum tarixi

Nazorat uchun savol va amaliy topshiriqlar:
1.
Qadimgi Rim san’ati va madaniyatining

---

54
yuksalish davri haqida gapirib bering. 
2.
Qadimgi Rimda kiyimlar qanday rangda bo’lgan? Matolarga qanday 
bezaklar berilgan? 
3.
Qadimgi Rimda erkaklar kiyimining qanday turlari bo’lgan va ularning 
farqi nimada? 
4.
Qadimgi Rimning ramziy ustki kiyimi qanday bo’lgan? 
5.
Qadimgi Rim ayollarining libosi, ularning turlari, kiyinish uslubi qanday 
edi? 
6.
Rim va Yunon ayollarining soch turmagi turlari haqida nimalarni 
bilasiz? 
 
II.BO’LIM. V-XX ASRLAR YEVROPA KOSTYUM TARIXI
 
O’rta asrlar Yevropa kostyumi tarixi 
Franklar imperiyasining parchalanishi oqibatida Yevropada Fransiya, Italiya, 
Germaniya davlatlari paydo bo’ldi. Dinning targ’ib qilinishiga e’tibor qaratilishi 
me’morchilikda konstruktiv o’zgarishlarni vujudga keltirdi. XI asr oxirlariga kelib 
me’morchilikda roman uslubi yetakchilik qila boshladi. Roman uslubidagi binolar 
dastlab o’z davrining yetakchi davlati Fransiyada paydo bo’lgan. XI–XII asrlarga oid 
Notr dam la Grand ibodatxonasi ushbu uslubda qurilgan. Ibodatxona uch nefli, 
binoning ikki yon neflari markaziy nefga nisbatan kichik, devorlari qalin, undagi 
kichik tor darchalar devor qalinligini aniq ifodalab, salobatini oshiradi. Bino interyeri 
qorong’i bo’lganligi sababli rangtasvir asarlariga nisbatan bo’rtma tasvirlar 
ishlanishiga e’tibor qaratilgan. Binolar peshtoqi, old qismi, ustunlar, kapitellarda 
relyef tasvirlari ko’p ishlatilgan. Tasviriy san’atda miniatyura asarlarini ishlashga 
e’tibor qaratildi.