Korxonalar faoliyatini boshqarishning nazariy asoslari

Xulosalar

Har qanday korxonani, u yirik yoki kichik korxona bo`lsin, boshqarish zarur. Ishlab chiqarishni boshqarish mehnatning ijtimoiy xususiyatlaridan kelib chiqadi. Boshqarish alohida mehnat faoliyati sifatida mehnat taqsimoti, kooperatsiyasi va ishlab chiqarish ko`lamining kengayishi natijasida yuzaga kelgan. Bu jarayon boshqaruv subyektining muayyan bir natijaga erishish maqsadida boshqaruv obyektlariga maqsadli ta’sir o`tkazish bilan bog`liq faoliyatni aks ettiradi.

Korxonani boshqarish ma’lum bir tamoyillarga asoslanib amalga oshiriladi. Bu tamoyillar boshqaruv faoliyati g`oyalarining tayanch va fundamental asoslarini tashkil etib, boshqaruv obyektlari va subyektlariga xos bo`lgan jarayonlar, voqea va hodisalarni ilmiy anglash hamda maqsadli foydalanishga imkon beradi. Boshqaruv tamoyillarini yaxshi o`zlashtirgan boshqaruvchilargina boshqaruv maqsadi va vazifalarini chuqur anglab, oqilona qarorlar qabul qilishi mumkin.

Boshqaruv usullari bu boshqaruv xodimlarining boshqaruv obyektiga maqsadli yo`naltirilgan ta’sir o`tkazish usullari yig`indisidir. Boshqaruv usullari vositasida moddiy, moliyaviy va mehnat resurslaridan oqilona foydalangan holda, yuqori natijalarga erishish maqsadida iqtisodiy jarayonlarga ta’sir etiladi. Boshqaruvning tashkiliy-farmoyish, iqtisodiy va ijtimoiy-psixologik usullari mavjud.

Boshqarish jarayoni boshqaruv qarorlarini qabul qilish bilan amalga oshiriladi. Korxona faoliyatini samarali tashkil etish va boshqarish bir qator muhim masalalarning yechimini topish bilan bog`liq.

Boshqaruv qarorlarini qabul qilish jarayoni boshqaruv subyektining korxona muammolarini hal etishga oid vaziyatlarni tahlil etish, muqobil variantlarni ishlab chiqish va ularni amalga oshirishga yo`naltirilgan faoliyatining mantiqiy izchilligidir.

Adabiyotlar

1. Adair D. Psixologiya liderstva.- M.: Izd-vot Elsmo, 2007.-448s.

2. Bendas T.V Psixologiya liderstva: Uchebnoye posoine:.- SPB.: Piter, 2009.-448 s. Maslou A. Motivatsiya i lichnost.

3. Moymurodov N. Rahbar psixologiyasi. Oliy ta’lim, xalq ta’limi, sog’liqni saqlash, o’rta maxsus kasb-hunar ta’limi boshqarmalarining ma’muriy xodimlari uchun qo’llanma.-T.: “Yangi asr avlodi”, 2007.

4. Karimova V. M. Ijtimoiy psixologiya. –T.: 2011.230 b.

   5. 
      www.ziyonet.uz