Korporativ tuzilmalarda inqirozga qarshi boshqaruvning tashkiliy xususiyatlari

---

15-MAVZU: “KORPORATIV TUZILMALARDA INQIROZGA QARSHI 
BOSHQARUVNING TASHKILIY XUSUSIYATLARI” 
Reja: 
1. Moliyaviy inqirozlarning iqtisodiy mohiyati va tasniflanishi 
2. Korxonalarda inqirozga qarshi moliyaviy boshqaruvning mohiyati, 
vazifalari va prinsiplari 
3. Korxonalarda inqirozga qarshi moliyaviy boshqaruv jarayoni bosqichlari 
 
Tayanch soʻz va iboralar: 
inqiroz, moliyaviy inqiroz, Samaradorlik prinsipi, 
Moslashuvchanlik prinsipi, mexanizmlarning muqobilligi prinsipi, kompleks chora-
tadbirlar qabul qilish prinsipi, doimiy tayyorlik prinsipi, inqirozga qarshi moliyaviy 
boshqaruv 
1. Moliyaviy inqirozlarning iqtisodiy mohiyati va tasniflanishi 
Korxonalar moliyaviy inqirozi ular moliyaviy muvozanati buzilishining eng 
jiddiy shakllaridan birini oʻzida aks ettiradi. Odatda moliyaviy inqirozlar siklli 
tarzda yuzaga keladi. 
Korxonalar moliyaviy inqirozlari bir qator asosiy belgilariga koʻra 
tasniflanadi. Ularning har biri haqida quyida toʻxtalib oʻtamiz. 
1. Yuzaga kelish manbasiga 
koʻra moliyaviy inqirozlar quyidagilarga 
boʻlinadi: 
- 
Ichki omillar natijasida yuzaga keladigan moliyaviy inqirozlar
. Bunday 
omillarga moliyaviy menejment samarasizligi, moliyaviy faoliyatning alohida 
yoʻnalishlari boʻyicha tanlangan moliyaviy siyosatning notoʻgʻriligi, moliyaviy 
risklarning alohida turlarini notoʻgʻri baholash, kapitalning oʻrtacha tortilgan 
qiymati yuqoriligi kabilarni kirish mumkin. Odatda bunday moliyaviy inqirozlarni 
inqirozga qarshi moliyaviy boshqaruvning ichki mexanizmlari hisobiga zudlik bilan 
bartaraf etish mumkin boʻladi. 
- 
Tashqi omillar natijasida yuzaga keladigan moliyaviy inqirozlar
. Bunday 
omillarga misol sifatida korxonalar moliyaviy-xoʻjalik faoliyatini soliqlar orqali 
tartibga solishning murakkablashuvi, moliya bozori kon’yukturasining noqulay 
oʻzgarishi va boshqalarni keltirish mumkin.
- 
Ichki va tashqi omillar natijasida yuzaga keladigan moliyaviy inqirozlar
. 
Bunday inqirozlar bartaraf etish imkoniyatlari boʻyicha birmuncha murakkab 
hisoblanadi.