Korporativ boshqaruv

Mavzuning predmeti

Mavzuning predmeti mamlakat iqtisodiyotining hozirgi kun rivojlanish tahlili, barcha sektorlarini modernizatsiyalash, innovatsiyalarni tadbiq etish, xalqaro hamkorlikni kengaytirishi orqali barqaror iqtisodiy o’sishni ta’minlashga qaratilgan islohotlardir.

6. 
   Metodologiya
   

Ushbu kurs ishini yozishda asosan 3 xil metoddan foydalanilgan bo’lib, ular statistik tahlil, diagnostik tahlil va prognozli tahlillardan iborat.

Statistik tahlilning 2 toifasi, ya’ni tavsifiy va inferensial toifalari mavjud bo’lib, o’raganilayotgan davlat – Koreya Respublikasining iqtisodiyotini tahlil qilishda birinchi toifa – tavsifiy tahlildan foydalanildi. Unga ko’ra Koreya Respublikasining iqtisodiy ko’rsatkichlari o’sishi, pasayishi yoki barqarorligining davriyligi va ushbu davrlarning chastotasi tahlil qilinib modellashtirildi.

Diagnostik tahlilni olib borishda esa “Qanday qilib bunday bo’ldi? savoliga javob izlab topildi. Aniqroq qilib aytganda, statistik tahlildan olingan natijalarga qanday omillar ta’sir ko’rsatganligi aniqlanib o’rganildi.

Prognozli tahlil yordamida esa “Nima bo’lishi kutilmoqda?” savoliga javob berildi. Buning uchun statistik va diagnostik tahlil natijalari yordamida Koreyaning hozirgacha bo’lgan bir necha yillik iqtisodiy ko’rsatkichlar va ma’lumotlarning o’zgarib borish xarakteri o’rganildi va unga ko’ra kelgusidagi iqtisodiy o’zgarishlar taxminan modellashtirildi. Ushbu kurs ishidagi prognozli tahlil natijalari 2020 – 2024 yillarni o’z ichiga oladi.

ASOSIY QISM

Janubiy Koreyada prezidentlik tizimi to'g'ridan-to'g'ri saylangan prezident tomonidan boshqariladi va turli siyosiy partiyalar vakili bo'lgan bir palatali qonun chiqaruvchi Milliy Majlis mavjud. Vazirlar Mahkamasi a'zolari faqat prezidentga hisobot berishadi. Parlament saylovlari har 4 yilda bir marta o'tkazilib, unda 227 nomzod saylanadi, qo'shimcha 46 deputatlik o'rni siyosiy partiyalarning umumiy ovozdagi ulushiga mutanosib ravishda taqsimlanadi. 1995-yilgacha siyosiy tizimi unitar edi (markaziy hukumat barcha viloyat hokimlarini va uning vakillarini tayinlagan). 1995-yilda ushbu viloyat va mahalliy idoralar uchun birinchi saylovlar bo'lib o'tdi. Bir yil o'tgach, barcha darajadagi: viloyat, okrug va uchastka kengashlari uchun mahalliy saylovlar bo'lib o'tdi.