Ko‘pkurash turlari texnikasini o‘rgatish metodikasi Reja

Mashg‘ulotning musobaqalashuv davrida sportchi ayollar asosiy musobaqalarga tayorlanadilar. Ammo mashg‘ulotlar bahorgi bosqichga ham o‘xshash bo‘lishi mumkin.
Yilning boshida alohida turlardan tez-tez musobaqalarga qatnashib turish va ulardagi kamchiliklarni aniqlab, mashg‘ulot jarayonida tuzatib borish muhim. SHu bilan birgalikda, bu musobaqalar beshkurash bo‘yicha asosiy musobaqalarga tayorgarlik ko‘rishga yordam beradi. Asosiy musobaqalar boshlangunga qadar, ko‘pkurashdan mashg‘ulot yuklamalarini pasaytirmasdan 2-3 marta ko‘pkurash musobaqalarida qatnashish kerak. Musobaqalar har 2-3 hafta oraliq bilan o‘tkazilsa, sportchi ayollarning dam olishiga yetarlidir.
Asosiy musobaqalarga ikki hafta qolganda mashg‘ulot yukla-malarini pasaytirib, 2-3 kun qolganda, to‘liq dam berish kerak.
Yuqorida o‘nkurashchilar uchun ko‘rsatilgan musobaqadagi tartib yettikurashchi ayollarga ham taalluqlidir. Farqi shundaki, sportchi ayollar birmuncha boshqacharoq badan qizdirish mashqlarini o‘tkazishlari kerak. G‘ovlar osha yugurish oldidan badan qizdirishning birinchi qismi – sekin yugurish va hamma yengil atletikachilar uchun taalluqli bo‘lgan umumrivojlantiruvchi mashqlardan iborat, so‘ng g‘ov osha yugurishning maxsus mashqlari bajariladi. Barcha tayorgarliklar startga 5-10 minut qolganda tamomlanadi.
YAdro itqitishga tayorgarlik ko‘rish musobaqaga 20 minut qolganda boshlanadi. Bu asosan yadro itqituvchining maxsus mashqlaridan iborat bo‘lib, musobaqadan 5-6 minut ilgari tamom bo‘ladi.
Agarda balandlikka sakrash bevosita yadro itqitishdan keyin boshlanadigan bo‘lsa, yugurib kelishlarni belgilab olib, 2-3 marta to‘sin ustidan sakrab o‘tish kerak. Ammo kuchni tejayman deb, sakrashni yuqoriroqdan boshlash mumkin emas. CHunki bunday tejamkorlik natijasida sportchi ayol o‘zining eng yaxshi natijasiga tayorlanmay qolishi mumkin.
Agarda musobaqa dasturiga binoan yadro itqitishdan keyin tanaffus beriladigan bo‘lsa, bu paytda badan qizdirish ikki qismdan iborat bo‘ladi. Birinchi qismi sekin yugurish va umumrivojlantiruvchi mashqlardan iborat bo‘lsa, ikkinchi qismi maxsus mashqlardan tashkil topadi.
Musobaqaning ikkinchi kunida uzunlikka sakrash oldidan sprintchilar va sakrovchilar uchun belgilangan odatdagi badan qizdirishni bajarishdan keyin yugurib kelishni belgilab turib, 1-3 marta sakrab ko‘rish kerak. Birinchi urinishni dadillik bilan bajarib, keyingilarida sharoitga qarab o‘zgar-tirishlar kiritish mumkin.
200 m ga yugurish oldidan ³/₅ tezlikda 100-150 m yugurib o‘tib, tayorgarlikni startdan 8-10 minut oldin tugatish kerak.
Ko‘pkurashlar musobaqasidan keyin 10-12 minut sekin yugurib, (o‘t ustida) nafasni rostlab, dushga tushish mumkin.
Ko‘pkurashchilarning mashg‘ulotlari juda ham uzoq vaqt davom etadi. SHuning uchun to‘g‘ri ovqatlanish tartibiga rioya qilish kerak. Bundan tashqari, kuchni tiklashga yordam beruvchi S va V vitaminlarini iste’mol qilib turish kerak. To‘g‘ri ovqatlanish ayniqsa musobaqa paytida muhim ahamiyatga ega bo‘lib, nati-jalariga ta’sir qiladi.


Nazorat savollari
1. O‘nkurashga yengil atletikaning qaysi turlari kiritilgan?
2. yettikurashga yengil atletikaning qaysi turlari kiritilgan?
3. Ko‘pkurashda musobaqalar necha kunda o‘tkaziladi?
4. O‘zbekistonda taniqli ko‘pkurashchilardan kimlarni bilasiz?
5. Ko‘pkupashchilarning sport mashg‘ulotlarini ta’riflab bering.
6. Ko‘pkupashchilarning musobaqalarga tayorlov davrilarini ta’riflang.
7. Ko‘pkurashchilar mashg‘ulotlarining asosiy vazifalarini ta’riflab bering.
8. Ko‘pkurash musobaqalarida hakamlarning vazifalari nimalardan iborat?
9. Ko‘pkurashda ma’naviy va irodaviy sifatlarning o‘rni qanday?