Конституция 2 меҳнат кодекси 7

Прокурорнинг судларга даъво аризаси (аризаси) киритишга оид ваколатлари, даъво аризаларни (аризаларни) расмийлаштириш талаблари.

Прокурор ИПКнинг 3-моддаси талабларига мувофиқ қонун ҳужжатларида назарда тутилган ҳолларда судга ўзга шахсларнинг ҳуқуқлари ва эркинликлари, жамият ва давлатнинг қонун билан қўриқланадиган манфаатларини ҳимоя қилиш мақсадида даъво аризалари (аризалар) билан мурожаат қилишга ҳақли.
ИПКнинг 49-моддаси талабларига кўра прокурор фуқаролар ва юридик шахсларнинг, шунингдек жамият ва давлатнинг ҳуқуқлари ва қонун билан қўриқланадиган манфаатларини ҳимоя қилиб, судга ариза билан мурожаат қилиш ҳуқуқига эга.
Таъкидлаш жоиз, ИПКнинг 49-моддаси прокурорнинг иқтисодий судларга фуқаролар, юридик шахслар ҳамда давлат ва жамият манфаатларида даъво аризалари (аризалар) киритиш ваколатларини белгилаб берар экан, қуйи ва юқори турувчи прокурорларнинг қайси поғона судларига мурожаат этишларига оид қоидаларни ҳам аниқлаштириб берган.
Ушбу қонун нормаларига мувофиқ судга ариза билан мурожаат қилишнинг қуйидаги тартиби белгиланган:

• 
  Ўзбекистон Республикаси Бош прокурори ёки унинг ўринбосари - барча иқтисодий ва маъмурий судларга;
  
• 
  Қорақалпоғистон Республикаси, вилоятлар, Тошкент шаҳар прокурорлари ёки уларнинг ўринбосарлари тегишинча - Қорақалпоғистон Республикаси, вилоятлар, Тошкент шаҳар иқтисодий ва маъмурий судларига;
  
• 
  Қорақалпоғистон Республикаси, вилоятлар, Тошкент шаҳар, туманлар (шаҳарлар) прокурорлари ва уларга тенглаштирилган прокурорлар ёки уларнинг ўринбосарлари – туманлараро, туман (шаҳар) иқтисодий судларига ҳамда туман (шаҳар) маъмурий судларига.
  

ИПК 49-моддасининг 6-қисмига мувофиқ фуқаронинг, юридик шахснинг, жамият ва давлатнинг манфаатларини кўзлаб даъво аризаси (ариза) тақдим этган прокурор даъвогарнинг (аризачининг) ҳуқуқларидан фойдаланади ҳамда унинг мажбуриятларини ўз зиммасига олади.
ИПКнинг 42-моддасида белгиланган ишда иштирок этувчи шахсларнинг умумий ҳуқуқ ва мажбуриятларидан ташқари, ишда иштирок этувчи тарафлар, яъни даъвогарлар (аризачилар) ва жавобгарлар алоҳида ҳуқуқларга ҳам эгалар.
Жумладан, ИПК 157-моддасига мувофиқ даъвогар ишни биринчи инстанция судида кўриш чоғида ишнинг мазмунан кўрилиши якуни бўйича чиқариладиган суд ҳужжати қабул қилингунига қадар даъвонинг асосини ёки предметини ўзгартиришга, даъво талабларининг миқдорини кўпайтиришга ёки камайтиришга ҳақли.