Konservalash usullari

Yordamchi materiallar : osh tuzi, sirka kislotasi va ziravorlar mavjud standartlar va R T U talablariga javob beradigan bo’lishi kerak. Osh tuzi 1 sortdan past sortli bo’lmasligi, taraga solingan bo’lishi kerak. Shakar ham 1 sortdan past sortli bo’lmasligi kerak. Natriy glyutamati ovqatga ishlatiladigan bo’lishi kerak.

Xom ashyoning sifati zavod laboratoriyasida tekshirib olinadi. Standartlar va texnik shartlar (TU) talablariga javob bermaydigan xom-ashyo ishlab chiqarishga qo’yilmaydi.

3.2. Texnologik sxemani tanlash va asoslash.

Texnologik jarayon sxemasi tasdiqlangan konserva ishlab chiqarish instruksiyalari asosida tajribada sinab ko’rilgan adabiyotlardagi ma’lumotlarni, hamda ilg’or qayta ishlash korxonalari yutuqlarini hisobga olgan holda tuziladi. Texnologik jarayon sxemasini tanlashda quyidagi talablarni hisobga olish lozim.

1). Loyihalanayotgan tizim yuqori sifatli mahsulot tayyorlanishini ta’minlashi lozim.

2). Mahsulot chiqishi maksimal, ya’ni xom-ashyo yo’qotilishi va chiqindilar minimal bo’lishini ta’minlash zarur.

3). Tanlangan texnologik sxema maksimal mahsulot unumdorligini ta’minlashi lozim.

4). Iloji bo’lganida uzluksiz ish sxemasi davriy ish sxemasiga qaraganda yaxshi.

5). Ta’minlangan texnologik sxema ishlab chiqarish jarayonini maksimal mexanizasiyalovchi va avtomatlashtiruvchi jihozlar bilan ta’minlanishi kerak.

6). Shu bilan birgalikda texnologik sxema oddiy bo’lishi, murakkab apparaturani va tanqis materiallarni talab qilmaydigan bo’lishi kerak.

7). Texnologik sxema elektr energiyasi, bug’, suv, sovuqlik,hamda ishchi kuchining minimal solishtirma sarfini ta’minlashi zarur.

8). Ko’p mehnat sarflanadigan va og’ir jismoniy ishlarni o’z ichiga oluvchi sxemalar, hamda juda katta ishlab chiqarish maydonlarini talab qiluvchi sxemalar qo’llanilmasligi kerak.

Shu talablar asosida qayta ishlash korxonasining assortimentidagi mahsulotlarni ishlab chiqarish uchun quyidagi texnologik sxemalarni tanlaymiz.