Konchilik ele k tr mexanikasi

Elektr yuritmani yig’ish sxemasini tuzish.
Bu vazifani bajarish uchun elektr yuritmani printsipial sxemasi tuzilgan bo’lishi lozim. Elektr yuritmani tashkil etuvchi barcha vositalar tanlangan va ularning rusumlari aniqlangan bo’lishi lozim. SHu bilan birga elektr yuritmani tashkil etuvchi elementlarini joylashtirish masalasi hal qilinadi. Ularni panelga, shchitlarga yoki shkaflarga joylashtirish mumkin. Bundan keyin barcha elementlarni tanlangan vositada o’rnatish masalasi hal qilinadi. Bu tegishli me’yoriy hujjatlardagi tavsiyalarga asosan bajariladi va o’rnatish sxemasi tuziladi.
Yig’ish sxemasi o’rnatish sxemasiga asosan bajariladi. Unda elektr yuritmaning har bir elementlari qanday tuzilgan bo’lsa, shunday keltiriladi. Ular shartli belgilar orqali ko’rsatiladi.
17-rasm. Elektr yuritmani yig’ish sxemasi

Keltirilgan misolda, 16-rasmda ko’rsatilgan elektr yuritmaning printsipial sxemasiga asosan, 17-rasmdagi yig’ish sxemasini tuzish tushintiriladi. Elektr yuritmaning elementlari temir shkafga joylashtiriladi. Boshqarish va nazorat qilish qulay bo’lishi (eshik yopiq holda bo’lishi lozim) uchun QF avtomat va SB knopkalar shkaf eshigiga, FU saqlagichlar eshikning ichki tomoniga va qolganlari shkafning ichiga joylashtiriladi.

Yig’ish sxemasida har bir element uchun, uning tepasida doiraning ichida tartib raqami va harfli shartli belgisi yoziladi. Har bir element punktir chizig’i bilan ajratib ko’rsatiladi. Printsipial sxemaga asosan elementlarning ulanadigan joylariga raqamlar qo’yiladi. Keyin printsipial sxemaga asosan alohida elementlar orasidagi bog’lanishlar bajariladi. Buning uchun har bir elementlarining bir xil raqamli qismlarini chiziqlar bilan ulab qo’yish mumkin. Bu holda, sxemada o’tkazilgan chiziqlar chalkashib ketishi va sxema ko’rimsiz bo’lishi mumkin. Bunga yo’l qo’ymaslik uchun misolda keltirilgan manzil usulini qo’llash mumkin. Bir elementni boshqa element bilan ulash uchun ulardagi bir xil raqamlar bilan belgilangan joylariga, qarama-qarshi tartib raqami yozib qo’yiladi. SHkafni tashqari bilan, ya’ni elektr tarmoq va elektr yuritgich bilan ulash klemmalar reykasi orqali bajariladi.