Компьютер графикаси

1.11-rasm. Issiq va sovuq ranglarga ajratuvchi rangli aylana.

1.11-rasmda ranglar sovuq va issiq ranglarga bo‘lingan. Ma’lum darajada bu shartli bo‘linish: rang yuqori va pastki yarimsharlarning chegarasiga qanchalik yaqin bo‘lsa, shunchalik u sovuq yoki issiq rangga kirish aniqligi kam bo‘ladi.

Qizil.
Ko‘pchilik odamlarda qizil rang olovga to‘g‘ri birikmasini uyg‘otadi. Shuning uchun uning ta’siri har xil bo‘lishi mumkin - issiqlikdan qo‘rquvgacha sezish mumkin. U ayniqsa pulsni tezlashtiradi va ko‘z qorachig‘ini kengaytiradi, lekin o‘zining yorqinligi tufayli ayniqsa ko‘p miqdorda bo‘lsa tez charchatadi (masalan, o‘tirgan xonaning rangi shunday bo‘lsa).
Toza qizil rang - bu vahima va hovliqish rangi, lekin uning tuslari tinchlantiruvchidir. Qizil o‘ziga e'tiborni tortadi.
Bu rang ko‘pincha kompyuter grafikasida foydalaniladi, lekin bo‘rtirib yubormaslik uchun undan ehtiyotkorlik bilan foydalanish zarur.
Qizil rang quyidagilarga to‘g‘ri keladi:

• 
  Agressivlik, faollikni ajratish uchun. Masalan, eng zo‘r sport mashinalari, xususan, Ferrari asosan qizil rangda ishlab chiqariladi.
  
• 
  Extirosni ifodalash uchun.
  
• 
  Qattiqqo‘llikni ifodalash uchun.
  
• 
  Boylik, dabdabani ifodalash uchun.
  

Sariq.
Ranglar ichida eng yorqin rangdir. U optimizmni, xursandchilik kayfiyatini ifodalash uchun ideal mos keladi. Turistik kompaniyalarning reklamasida shuning uchun ham eng ko‘p ishlatiluvchi rang hisoblanadi.
Bundan tashqari sariq oltin rangidir. Shuning uchun u ko‘pchilikda boylik, dabdabani va omadni bildirib turadi.
To‘q sariq rang.
Issiq, pozitiv, yorqin va zamonaviy ko‘ngilni ko‘taruvchi rangdir. Zamonaviy dizaynda, ayniqsa, veb-dizaynda ko‘p ishlatiluvchi ranglardan biri.
To‘q sariq rang quyidagi xollarda ishlatiladi:

• 
  Zamonaviylik. O‘zini zamonaviy deb hisoblovchi ko‘p kompaniyalar o‘zining “firma” rangi deb oladi. Bu ayniqsa uyali aloqa operatorlari orasida keng tarqalgan.
  
• 
  Harakatchanlik.
  
• 
  Optimizm. Yorqin plakat foni uchun to‘q sariq rang siyqasi chiqqan, lekin ideal variant hisoblanadi.
  

Tajribadan kelib chiqib aytish mumkinki, to‘q sariq rang xavo rang bilan yaxshi mos tushadi.