Компьютер графикаси

1.6-rasm. Logotip formasi: a-ixcham; b-ixcham emas.
Tekstura va o‘lcham.
Testura qo‘llanilishi bizga yangi effektlar yaratish, shakl qiyofasini murakkablashtirish, unga ma’no berish imkoniyatlarini beradi. Lekin tekstura obyekt o‘lchamini idrokiga ta’sir qilishi mumkin, buni esda tutish lozim.
1.7-rasmda umuman bir xil geometrik o‘lchamga ega 2 ta kvadrat tasvirlangan. Lekin, kesimlari ko‘ndalang ketgan kvadrat grizontalnikidan ko‘ra “og‘irroq”, yirikroq ko‘rinadi. Kesimlari gorizontal ketgan kvatrat esa balandroq ko‘rinadi.

1.7-rasm. Yorug‘ shakllar kattaroq ko‘rinadi: yorug‘ chiziqlarning yo‘nalishi illiyuziya yaratish qobiliyatiga ega.

Bu effekt allaqachon ma’lumdir. Eski jurnallarda to‘liqdan kelgan ayollarga yo‘l-yo‘l ko‘ylaklarni kiyish tavsiya qilingan, ular qomatni biroz rostlaydi.

Amaliyotda bu narsa ko‘p qo‘llaniladi. Kerakli xollarda obyektga katta «turg‘unlik» berish uchun yorqin ifodalangan gorizontal yo‘nalishdagi tekstura ishlatiladi. Tekstura bilan yana bir qiziq effekt bog‘liq. 1.8-rasmdagi a-tasvir bizga uzoqlashayotgandek, b-tasvir yaqinlashayotgandek. Bu effekt oq rangning fonida bo‘lgan barcha predmetlarni “egish” xususiyatiga asoslangan. Buni radial gradientlar bilan ishlayotganda bilishimiz va qo‘llay olishimiz kerak, bu asosida ko‘pgina tryuklarni bajarish mumkin bo‘ladi.

a b
1.8-rasm. Oq va qora radial chiziqlar ketma-ketligiga asoslangan effektlar:
a-uzoqlashish, b-yaqinlashish.
Shunday qilib, tekstura obyekt tasvirida ijobiy ham salbiy ham rol o‘ynashi mumkin (noto‘g‘ri qo‘llanilishda). Bunga katta e'tibor bering.


Rang va o‘lcham.
Bo‘limning o‘lchamga bag‘ishlangan eng murakkab qismi. Uning idrokiga bog‘liq tushunchalar. Odatda biz boshqa obyektlar orasida ajralib turganlarni katta deb hisoblaymiz, (ya’ni ko‘rish qobilyatiga asoslangan holda) ammo buni isbotlovchi obyektiv sabablar yo‘q.
Demak, birinchi va asosiy xususiyat: yorqin fondagidan to‘q obyektlardan ko‘ra yorqin obyektlar to‘q fonda yaxshi ajralib turadi (1.9-rasm).