8.3. Суғурта қилдирувчининг ҳуқуқи: а) ушбу шартнома тузилишидан аввал суғурта қилиш шартлари билан танишиб чиқиш;
б) шартнома амал қилиши даврида суғурта қилиш бўйича суғурталовчидан маслаҳатлар олиш;
в) суғурта ҳодисаси содир бўлганда ўз ҳисобидан мустақил экспертиза ўтказишни талаб қилиш;
г) суғурталовчининг розилиги билан шартномага қўшимчалар ва/ёки ўзгартиришлар киритиш;
д) мазкур шартнома шартларига кўра суғурта ҳодисаси деб тан олиниши мумкин бўлган содир бўлган воқеалар юзасидан тергов ишларида иштирок этиш;
е) Ўзбекистон Республикасининг амалдаги қонун ҳужжатларига ва суғурта шартномаси шартларига мувофиқ суғурта шартномасини муддатидан олдин бекор қилиш;
ж) суғурталовчи суғурта товонини тўлашни рад қилиши бўйича судга шикоят қилиш;
з) суғурта полиси йўқолган тақдирда Ўзбекистон Республикасида амал қилаётган энг кам иш ҳақининг 5 (беш) фоизи миқдорида жарима тўлаган ҳолда суғурта полиси дубликати (ҳужжатнинг асли билан тенг ҳуқуқли нусхаси)ни олиш.
8.4. Суғурта қилдирувчининг мажбуриятлари: а) мазкур шартнома амал қилиши даврида суғурта ҳодисаси содир бўлиши эҳтимоли ошишига сабаб бўлувчи таваккалчилик ва ҳолатлар бўйича омилларни аниқлаш учун барча зарур ишончли маълумотларни суғурталовчига шартнома тузиш пайтида маълум қилиш;
б) ўз муддатида ва келишилган тартибда суғурта мукофотини тўлаш;
в) кредит маблағларидан мақсадли фойдаланаётганлиги бўйича кредит олувчи (қарздор)нинг фаолиятини текшириш ва назорат қилиш;
г) ҳар қандай компенсация тарзида ҳисобланган маблағларни олиш учун, шу жумладан кредит олувчига нисбатан суд муҳокамасига доир барча чораларни кўриш бўйича суғурталовчи билан тўлиқ ҳамкорлик қилиш;
д) кредит олувчи томонидан 30 (ўттиз) кун ичида кредитнинг асосий қарзи тўланиши кечиктирилса суғурталовчига ёзма равишда хабар қилиши ва қарзни ундириш чораларини кўриши;
е) суғурта ҳодисаси содир бўлиши мумкин бўлган ҳолатларни олдини олиш учун ўз ҳисобидан чора-тадбирлар кўриш;
ж) суғурта ҳодисаси содир бўлса ушбу шартнома шартлари ва тартиби бўйича муддатида суғурталовчини хабардор қилиш, ҳамда белгиланган тартибда зарарни камайтириш учун барча мумкин бўлган чора-тадбирларни ўз ҳисобидан кўриш;
з) суғурталовчининг ёзма розилигисиз кредитлаш муддатини ва кредит лимитини ўз ичига олган кредит шартномаси шартлари ва муддатларига ўзгартириш киритмаслик ва қисқартирмаслик;
и) кредитнинг қайтмаган қисмини ундириш бўйича ундирувни кредит олувчи (қарздор)нинг мол-мулкига қаратиш ва қолган қисми юзасидан талабнома-даъво ишларини юритиш;
й) юридик манзили, банк реквизитлари ўзгарганда, қайта ташкил қилинганда ёки тугатилганда суғурталовчига бу ҳақда 5 (беш) кун ичида маълум қилиш.