Компания Бошқарувининг 200 йил

5.5. Суғурта полисининг нусхаси суғурта қилдирувчи томонидан асл нусхасини олганлиги тўғрисида имзоланади ва йиғилган ҳужжатлар тўпламида сақланади.
5.6. Суғурта полиси кредит шартномасида белгиланган кредитни бутун қайтариш муддатигача амал қилади.
5.7. Мазкур суғурта шартномаси бир томоннинг ёзма аризаси бўйича ҳар қандай пайтда бекор қилиниши мумкин, аммо тахмин қилинган санадан камида 30 (ўттиз) кун аввал бўлиши лозим.
5.8. Кредит (микрокредит) шартномаси муддатидан олдин бекор қилинганда, яъни кредит олувчи (қарздор) кредит шартномасига асосан маблағларни қайтариш бўйича мажбуриятларни тўлиқ бажарганда, кредит олувчи (қарздор) суғурталовчига кредит маблағлари тўлиқ сўндирилганлиги тўғрисида ёзма хабарнома тақдим этади, бунда хабарнома суғурта қилдирувчи (кредит берувчи) томонидан тасдиқланган бўлиши талаб қилинади. Бундай ҳолатда суғурта қилдирувчи (кредит берувчи) суғурта шартномасини амалда қолдириш хуқуқига эга, акс холда суғурта шартномаси муддатидан олдин бекор қилинади ва суғурта мукофотининг суғурта полиси бўйича жавобгарлик олиб борилмаган кунларга мутаносиб равишда ҳисобланган қисми қайтариб берилади.
5.9. Мазкур шартнома қуйидаги ҳолатларда тугатилади.
а) амал қилиш муддати тугаганда;
б) суғурталовчи суғурта қилдирувчи олдидаги мажбуриятларни тўлиқ ҳажмда бажарганда;
в) ушбу суғурта шартномасида кўрсатилган муддатларда суғурта қилдирувчи суғурта мукофотини тўламаганда;
г) суғурта қилдирувчи фаолияти тугатилганда;
д) Ўзбекистон Республикаси амалдаги қонунчилигида белгиланмаган бошқа ҳолларда.
5.10. Мазкур суғурта шартномаси бирон бир томоннинг ёзма аризасига биноан ҳар қандай вақтда ҳаракатдан тўхтатилиши, ўзгартирилиши мумкин, бунда ариза берувчи томон шартнома тўхтатилиши ёки ўзгартиришлар киритиши тахмин қилинган кундан 30 (ўттиз) кун олдин ёзма равишда бошқа томонларни хабардор қилиши шарт.
5.11. Суғурта шартномасига қўшимча ва ўзгартиришлар киритиш, уларни бекор қилиш ёки тўхтатиш фақат суғурта қилдирувчи ва суғурталовчининг ёзма равишдаги талаби асосида амалга оширилиши шарт, акс ҳолда улар ҳақиқий эмас деб ҳисобланади.