Компания Бошқарувининг 200 йил

I. ШАРТНОМАДАГИ АТАМА (ТУШУНЧА)ЛАР
суғурталовчи – умумий суғурта соҳасининг тегишли класслари бўйича суғуртани амалга ошириш учун лицензияга эга бўлган ва суғурта шартномасига мувофиқ суғурта товони тўловини амалга ошириш мажбуриятини олувчи тижорат ташкилоти бўлган юридик шахс;
суғурта қилдирувчи (кредит берувчи) – суғурталовчи билан суғурта шартномасини тузган, суғурта шартномасида келишилган суғурта мукофотини (суғурта тўловини) тўловчи ва суғурталовчи билан аниқ суғурта муносабатларига кирувчи ҳар қандай ташкилий-ҳуқуқий шаклдаги юридик шахс;
кредит олувчи (қарздор) – суғурта қилдирувчи билан оилавий тадбиркорликни йўлга қўйиб уни ривожлантириш (асбоб-ускуна, жиҳозлар харид қилиш) мақсадида микрокредит
олиш учун шартнома тузган юридик мақомга эга бўлган хусусий тадбиркорлик субъекти ёки якка тартибдаги тадбиркор, ёхуд Ўзбекистон Республикаси ҳудудида доимий яшовчи, муомалага лаёқатли, кредит шартномасига асосан банкдан (кредит ташкилотидан) кредит олувчи жисмоний шахс;
кредит шартномаси – кредит олувчи (қарздор) ва суғурта қилдирувчи ўртасида кредит маблағи ажратиш бўйича тузилган шартнома (битим);
микрокредит маблағлари – оилавий тадбиркорликни ривожлантириш мақсадида мкирокредит олувчига кредит шартномасига мувофиқ тижорат банки томонидан ажратилган пул маблағлари;
суғурта шартномаси – ёзма келишув бўлиб, унга кўра суғурталовчи келишувда шартлашилган ҳақ (суғурта мукофоти) эвазига келишувда назарда тутилган воқеа (суғурта ҳодисаси) содир бўлганда суғурта қилдирувчига суғурта товонини тўлаш мажбуриятини олади;
олди-сотди шартномаси – етказиб берувчи ва кредит олувчи (қарздор) ўртасида белгиланган муддатда бир йўла тўлов тўлаш шарти билан асбоб-ускуна, буюм (жиҳоз)лар харид қилиш учун тузилган шартнома;
асбоб-ускуна, жиҳоз, дастгоҳ (касаначиликда ишлатиладиган) – оилавий тадбиркорлик учун сотиб олинадиган буюм (жиҳоз)лар;
суғурта қиймати – суғурта шартномасини тузиш пайтида тарафларнинг келишувига кўра аниқланадиган, суғурта манфаати билан боғланадиган, олди-сотди шартномасига кўра кредит олувчи (қарздор) тўлаган бошланғич бадал ушлаб қолинган жиҳозларнинг қолдиқ қиймати (Ўзбекистон Республикасида амалдаги энг кам иш хақининг 200 (икки) юз баробаридан ошмаган миқдорда);