Компания Бошқарувининг 200 йил

суғурта пули (суммаси) – суғурта қилдирувчи ва суғурталовчининг келишувига мувофиқ белгиланадиган пул миқдори бўлиб, суғурталовчи суғурта шартномаси бўйича суғурта товонини ундан ошмаган миқдорда тўлаш мажбуриятини олади;
суғурта мукофоти (бадали) – суғурта қилдирувчи ёки кредит олувчи (қарздор) томонидан суғурта шартномасида белгиланган тартибда ва муддатларда суғурталовчига тўлаши шарт бўлган суғурта ҳақи;
суғурта полиси – суғурта шартномаси тузилганлигини тасдиқловчи ва суғурта қилдирувчига у суғурта мукофотини тўлагандан кейин бериладиган ҳужжат;
суғурта ҳодисаси – суғурта шартномасида кўрсатилган ва у содир бўлиши билан суғурталовчининг суғурта қилдирувчига суғурта товони тўловини амалга ошириш мажбуриятини келтириб чиқарадиган содир бўлган воқеа;
зарар – банк томонидан ажратилган кредит маблағлари (банк фоизларидан ташқари) кредит олувчи томонидан мақсадли ишлатилиб кредит шартномаси ва суғурта шартномаси (полис) талабларини бузмаган ҳолда қисман қайтарилмаслиги;
суғурта товони – суғурталовчи суғурта шартномасида келишилган суғурта ҳодисаси содир бўлганда суғурта қилдирувчи кўрган зарарларини суғурта пули (суммаси)дан ошмаган миқдорда тўлайдиган пул маблағлари миқдори;
тўлов санаси – кредит олувчининг суғурта қилдирувчи олдидаги кредит шартномаси бўйича мажбуриятлари бажарилишининг сўнгги муддати;
кутиш даври – cуғурта шартномаси бўйича суғурта ҳодисаси содир бўлганда cуғурталовчи томонидан суғурта товони тўланишидан олдин ўтиши лозим бўлган 30 (ўттиз) кун;
суғурта муддати – суғурта мукофоти ўз вақтида тўланган ҳолда, суғурталовчи суғурта шартномаси амалда бўлган даврда содир бўлган суғурта ҳодисалари бўйича мажбуриятларни
ўз зиммасига оладиган давр;
тадбиркорлик хавфи – суғурта ҳодисаси юз берганида суғурта қилдирувчи тадбиркорлик фаолиятидан кўриши мумкин бўлган зарар;
форс-мажор – фавқулодда ва олдиндан кўрилмаган тавсифда бўлиб, тарафлар мажбуриятларини қабул қилгандан кейин келиб чиқадиган ҳамда уларнинг хоҳиш иродасига боғлиқ бўлмай, ақлий тадбирлар билан унинг олдини олиб бўлмайдиган ҳолат.