Компания Бошқарувининг 200 йил

IX. СУҒУРТАЛОВЧИНИНГ СУБРОГАЦИЯ ТАРТИБИДА
ТАЛАБ ҚИЛИШ ҲУҚУҚИ
9.1. Суғурта қилдирувчининг суғурта ҳодисаси натижасида қопланган зарар учун жавобгар шахсдан (аниқланганда) талаб қилиш ҳуқуқи тўланган сумма доирасида суғурталовчига ўтади.
Суғурталовчига ўтган талаб қилиш ҳуқуқи унинг томонидан суғурта қилдирувчи зарар
учун жавобгар бўлган шахс ўртасидаги муносабатларни тартибга солувчи қоидаларга риоя қилган ҳолда амалга оширилади.
9.2. Суғурта қилдирувчи, ўзига ўтган талаб қилиш ҳуқуқини амалга ошириши учун зарур бўлган барча ҳужжатлар ва далилларни суғурталовчига бериши ҳамда барча маълумотларни унга маълум қилиши шарт.
9.3. Суғурта қилдирувчи етказилган зарар учун жавобгар шахсга нисбатан ўзининг талаб қилиш ҳуқуқидан воз кечса ёки бу ҳуқуқни амалга ошириш суғурта қилдирувчининг айби билан ундириш мумкин бўлмаган бўлса, суғурталовчи суғурта товонини тўлиқ ёки унинг тегишли қисмини тўлашдан озод қилинади.


X. ТАРАФЛАРНИНГ ЖАВОБГАРЛИГИ ВА НИЗОЛАРНИ ҲАЛ ЭТИШ ТАРТИБИ
10.1. Мазкур суғурта шартномасининг шартларини бажармаганлик ёки лозим даражада бажармаганлик учун тарафлар Ўзбекистон Республикасининг “Хўжалик юритувчи
субъектлар фаолиятининг шартномавий-ҳуқуқий базаси тўғрисида”ги Қонунида белгиланган жавобгарликни тенг даражада олиб борадилар.
10.2. Мазкур шартномадан келиб чиқадиган барча баҳс ва мунозаралар ўзаро келишув асосида ҳал этилади. Келишувга эришиш имкони бўлмаган тақдирда Ўзбекистон Республикасининг қонун ҳужжатларида белгиланган тартибда иқтисодий судга кўриб чиқиш учун берилади.
10.3. Ушбу шартнома доирасида томонлар ўз мажбуриятларини енгиб бўлмайдиган кучлар (форс-мажор) оқибатида бажармаган бўлсалар жавобгарликдан озод этиладилар. Форс-мажор ҳолати Ўзбекистон Республикасининг тегишли органлари ва ташкилотлари томонидан тасдиқланади. Тарафлар енгиб бўлмайдиган кучлар таъсири эҳтимоли юзага келса, бундай ҳолатлар рўй бериши ва давомийлик эҳтимоли борлиги бўйича бошқа томонни зудлик билан хабардор қилиши шарт.