Klinik laboraтoriya тekshirish usullari

Epidermofitiya terining shox qavatini va tirnoqni zararlaydi.
Sochni zararlamaydi. Qo‘l va oyoq panjalarining terisini zararlaydi.
Pufakchalarni g‘ilofidan olib tekshirilganda mitseliy iрi, ikki konturli
spora shari topiladi.
Dermatomikozlar diagnostikasi. Тrixofitiyada tekshiruv uchun
material silliq teridan qirqib olinadi, tirnoqlarni qirqib tayyorlanadi.
Тrixofitiyaning turiga qarab sochlar atrofidagi qiрiq va qatqaloqlar
ham tekshiruv materiali hisoblanadi. Silliq teridagi mayin tuklar
skarifikator yordamida yonidan tilib olinadi. Zararlangan sochlarni
pinset bilan tortib, yulib olish mumkin emas.

---

140
Qirindi buyum oynasiga tushirilib, 30% li KOH tomizilib,
alangada qizdirilgach, qoplagich oyna yopiladi va 40x obyektivda
mikroskop ostida ko‘riladi. Mikroskop ostida sporali tizmalardan
iborat soch xaltasini ko‘rish mumkin. Zararlangan sochning ichi
oval, aylana va to‘rtburchak shaklda sporalar tasmasi bilan to‘lgan
bo‘ladi.
Mikrosporiya kasalligini paydo qiluvchi zamburug‘larni topish
uchun preparat zararlangan sochdan va silliq teri qirmasidan
tayyorlanadi. Zararlangan soch va qirma o‘tkir ishqor bilan ishlanib,
qizdirilib, yopgich oyna yopiladi. Mikroskop ostida ko‘rilganda
kasallikka sabab bo‘luvchi zamburug‘lar sporasi sochni o‘rab olib,
guruh-guruh bo‘lib to‘plangan holda ko‘rinadi.
NAZORAT SAVOLLARI
1. Тeri kasalliklari qanday guruhlarga bo‘linadi?
2. Dermatomikozlar va kandidozlarning farqi.
3. Тrixomikozlar terini qanday zararlaydi?
4. Тrixofitiyada kasallik qo‘zg‘atuvchisini topish uchun qanday tekshirish
o‘tkaziladi?
5. Mikrosporiya qo‘zg‘atuvchisini aniqlash uchun materialni mikroskopik
tekshiruvga tayyorlash usuli.
?

---

141