Klinik dietologiya va nutrisiologiya

16-BOB. ONKOLOGIK VA GEMATOLOGIK KASALLIKLARDA  
PARHEZ  OVQATLANISH 
Onkologik kasalliklarda parhez ovqatlanish asoslari 
Onkologik kasalliklarda tana vazni keskin kamayishi kuzatiladi va ularning 5-
25 % kaxeksiya rivojlanadi. 
  Kaxeksiya  ayniqsa,  yomon  sifatli  o‘smalari  oshqozon-ichak  tizimida 
joylashuvida kuzatiladi. Kasallikka hos bo‘lgan anorektsiya , ta’m sezishni buzilishi,  
rak  intoksikatsiyasi  va  boshqalar  modda  almashinuvini  buzilishiga  olib  keladi. 
Oshqozon  ichak,  qizilo‘ngach  tizimidagi  rak  kasalliklarida  qusish,  ko‘ngil  aynish, 
disfagiya,  malosorbtsiya  sindromlari,  fermentlar  faolligini  kamayishi  nutrientlarni 
o‘zlashtirishni  qiyinlashtiradi.  Onkologik  kasalliklarda  oqsil,  yog‘  va  uglevod 
almashinuvlari buziladi va ko‘p miqdorda samarasiz quvvat substratlari sarflanadi.  
  Ko‘pchilik    o‘pka,  limfoma,  oshqozon  osti  bezi  raki  kasalliklarida  asosiy 
almashinuv  va  umumiy  quvvat  oshadi.  Oshgan  quvvat  qiymatini  qoplash  uchun 
oqsillar  parchalanishi  kuchayadi.  Shuningdek  onkologik  kasalliklarda  to‘qimalar 
insulinga  sezgirligi  va  glyukozani  o‘zlashtirish  buziladi.  Bemorlarda  yog‘ 
almashinuvini transformatsiyasi tanadagi yog‘lar tarkibini o‘zgarishi bilan kechadi. 
Yog‘  kislotalalarini    oksidlanishi  kuchayishi  organizmda  yog‘  komponentlarini 
ozayishiga  olib  keladi.  Lipoliz  mahsulotlari  quvvatni  oshirish  va  glikoneogenezni  
ta’minlashga  xizmat  qiladi.  Aynan  yog‘  kislotalari    rivojlanayotgan  onkologik 
jarayonlarda quvvat manbai bo‘lib xizmat qiladi.